Ձեր վստահելի աղբյուրը

Ամերիկյան Ֆորբս (Forbes) ամսագրի կազմած «2008 թվականի Ռուսաստանի կոմերցիոն անշարժ գույքի խոշորագույն սեփականատերեր» աղյուսակում 8-րդ հորիզոնականը զբաղեցրել է Tashir Group-ը:

Հայազգի գործարար Սամվել Կարապետյանին պատկանող ընկերությունը նախորդ տարվա նույն վարկանիշային աղյուսակում եղել է 20-րդը, սակայն մեկ տարվա բավականին հաջող գործունեության արդյունքում դիրքերը բարելավել է 12 կետով:

Այս աղյուսակում 1-ին հորիզոնականը զբաղեցրել է հոլանդական IKEA ընկերությունը, որը Ռուսաստանում 11 խոշոր առևտրային կետեր ունի` 1.37 մլն քմ ընդհանուր մակերեսով: Forbes-ի մասնագետների գնահատմամբ` տիրապետած անշարժ գույքն այս ընկերությանը տարեկան կարող էր ապահովել 1.26 մլրդ դոլարի եկամուտ:

Ստորև ներկայացնում ենք Ֆորբսի այս տարվա վարկանիշի առաջին տասնյակը: Մինչ այդ նկատենք, որ Ռուսաստանի անշարժ գույքի խոշորագույն սեփականատերերի վարկանիշային աղյուսակ Ֆորբսը ներկայացնում է սկսած 2005 թվականից: Ուշագրավ է, որ այդ ժամանակվանից ի վեր ռուսական առաջին 30-յակում ընդգրկված ընկերությունների համախառն եկամուտը 5 տարվա ընթացքում 1.8 մլրդ դոլարից աճել և հասել է 4.8 մլրդ դոլարի:

1. IKEA 1260 1370
2. ENKA 450 530
3. «Կիևվսկայա Պլոշադ» խումբ 430 450
4. «Կրոկուս» խումբ 300 457
5. «Ադամանդ» խումբ 270 430
6. «ԲԻՆ» խումբ 270 490
7. ՊրոմՍվյազՆեդվիժիմոստ 170 235
8. Տաշիր Գրուփ 130 278
9. Հորուզ Քեփիթըլ 130 305
10. Ֆորում Փրոփըրթիզ 110 150