Ձեր վստահելի աղբյուրը

Աշխարհում Ֆինանսատնտեսական ժգնաժամի հետևանքով նվազում է զբոսաշրջիկների թիվը: Եգիպտոսում ժգնաժամի օրերին 30 տոկոսով նվազել է այցելուների քանակը:

Մեր երկրի զբոսաշրջության ոլորտի պատասխանատուները և զբոսաշրջություն կազմակերպողները այսօր նշեցին, որ ինչպես շատ ոլորտներում, այնպես էլ տուրիզմի բնագավառում ֆինանսատնտեսական փոփոխությունները թողել են իրենց ազդեցությունը և աշխարհաքաղաքական ֆոնի վրա այն շարունակվում է և կշարունակվի նաև այս տարի:

Հայաստանի ներգնա տուրօպերատորների միության նախագահ, տուրիզմի հայկական ինստիտուտի ռեկտոր, պրոֆեսոր Ռոբերտ Մինասյանը ասաց,որ համաձայն չէ զբոսաշրջություն բառի ձևակերպման հետ և առաջարկում է այդ բառի փոխարեն օգտագործել տուրիզմ բառը, որը ավելի ընդլայնված է:

Նա առաջարկեց այս ոլորտի ցուցանիշների պատկերը ուսումնասիրելու համար երկու տարաբաժանում կատարել, որն ընդունված է միջազգային պրակտիկայում և ցուցանիշները հաշվարկել ընդհանուր այցելուների և կազմակերպված տուրիզմի մասնաբաժնով:

«Պաշտոնական տվյալներով կազմակերպված տուրիզմի թիվը կազմում է 10 տոկոս և չի ավելանում և շատ կարևոր է, որ այս թիվը ավելանա»,-ասաց պարոն Մինասյանը և հավելեց, որ տուրիստական ֆիրմաները արդեն ժգնաժամի պայմաններում տուժել են դեռ կշարունակեն տուժել: Նա առաջարկում է դոնոր շուկաներ գտնել և չբավարարվել միջազգային ցուցահանդեսներին մասնակցելով:

Զբոսաշրջության և տարածքային տնտեսական զարգացման վարչության պետ Մեխակ Ապրեսյանը ասաց, որ 2008-ին Հայաստան է այցելել 558 հազարից ավելի զբոսաշրջիկ և 2007-ի նկատմամբ այցելությունների քանակը 9.4 տոկոսով ավելի է:
«Թև աճ ունենք, բայց աճի տեմպի նվազում կա: Համեմատության համար ասեմ, որ 2007-ին 2006-ի նկատմամբ աճը եղել է 33.5 տոկոս»,-ասաց պարոն Ապրեսյանը:

Նա նաև նշեց, որ համաշխարհային զբոսաշրջության դինամիկան համաձայն զբոսաշրջության համաշխարհային կազմակերպության 2008-ին տարեկան աճի կազմել է 4-4.5 տոկոս, որը ցածր է եղել 2007-ի ցուցանիշից: Զբոսաշրջության համաշխարհային կազմակերպության տվյալներով 2009-ին ներկա ֆինանսատնտեսական ճգնաժամի սցենարի պահպանման դեպքում համաշխարհային զբոսաշրջության այցելությունների աճի տեմպը կկազմի 0-ից մեկ տոկոս:
«Պետք է ակտիվ իրականացնել բոլոր ծրագրերը: Պետք է ձգտնել կատարել զբոսաշրջության զարգացման հայեցակարգի և դրանից բխող կետերը»,-նշեց Մեխակ Ապրեսյանը:
Նա նաև ասաց, որ այս օրերին ԱԺ է ներկայացվել պետական տուրքի մասին օրենքում փոփոխություններ կատարելու մասին օրինագիծը, ըստ որի առաջարկվում է մուտքի արտոնագրի տարբերակված դրույքաչափ:

«Եթե 120 օրվա համար նախատեսված մուտքի արտոնագրի համար սահմանված էր 15 հազար դրամ, նախատեսել ենք 21-օրվա դիմաց վճարել 3 հազար դրամ պետական տուրքի դրույքաչափ»,-ասաց Զբոսաշրջության և տարածքային տնտեսական զարգացման վարչության պետ Մեխակ Ապրեսյանը: