Ձեր վստահելի աղբյուրը

Հայաստանի մշակույթի նախարարի հրամանով նախարարության ենթակայության ՊՈԱԿ-ներին ամրացված դահլիճներում պետք է կազմակերպվի կենդանի երգեցողությամբ համերգներ և միջոցառումներ:

Ինչպես Panorama.am-ին հայտնեցին մշակույթի նախարարության հասարակայնության հետ կապերի բաժնից, ՊՈԱԿ-ներին ամրացված դահլիճներում կենդանի երգեցողությամբ համերգների և միջոցառումների որակը բարձրացնելու, ինչպես նաև սպառողների իրավունքները պաշտպանելու նպատակով` մշակույթի նախարարի հրամանի համաձայն` պետական համերգների և միջոցառումների անցկացման նպատակով դահլիճների վարձակալության (օգտագործման) պայմանագրերում պարտադիր կարգով սահմանվում են միայն կենդանի երգեցողության (фонограмма-) ապահովման վարձակալի (օգտագործողի) պարտավորություն:

Միևնույն ժամանակ բացառելով որևէ ձայնագրվածքի (фонограмма+) գործածումը:

Այլ համերգներ և միջոցառումներ կազմակերպելու նպատակով դահլիճների վարձակալության (օգտագործման) պայմանագրերում պարտադիր կարգով սահմանվում են վարձակալի (օգտագործողի) պարտավորությունը` կենդանի երգեցողության (фонограмма-) կատարման կամ ձայնագրվածքների (фонограмма+) օգտագործման վերաբերյալ տեղադրել տեսանելի և ընթեռնելի տեղեկույթ համերգի կամ միջոցառման մասին հայտարարություններում, գովազդային հոլովակներում, ազդագրերում, բուկլետներում ու տպագիր այլ նյութերում: