Ձեր վստահելի աղբյուրը

Մոսկվայի Փարաջանովի անվան մշակույթի կենտրոնի գեղարվեստական ղեկավար Վլադիմիր Գաբբենի կարծիքով, «Եվրատեսիլ» երգի միջազգային մրցույթում Ինգա և Անուշ Արշակյաններն ավելի բարձր գնահատականի էին արժանի։ Այս մասին Վ. Գաբբեն ասաց այսօրվա ասուլիսի ժամանակ:

Նրա խոսքերով, «Եվրատեսիլը» միայն երգի մրցույթ չէ, այն կրում է նաև քաղաքական նշանակություն: «Ես կարծում եմ, որ այսպիսի մասշտաբային մրցույթներին յուրաքանչյուր երկիր, երբ իր մասնակցին է ներկայացնում, պետք է կազմակերպչական առումով մեծ մակարդակ ունենա ու այնպիսի կազմակերչական ջանքեր ներդնի, որոնցով հնարավոր կլինի բարձրացնել իր երկրի ներակայցուցչի անունը»,- ասաց Վ. Գաբբեն: Մշակույթի կենտրոնի գեղարվեստական ղեկավարի հավաստմամբ` խոսքը միայն PR-ի մասին չէ, այլև մրցույթի շուրջ տեղի ունեցող կազմակերպչական ու քաղաքական գործոնի:

Ըստ նրա, Հայաստանի ներկայացուցիչների ելույթը բարձր մակարդակի էր, սակայն քաղաքական գործոնը թույլ չտվեց, որ Արշակյան քույրերը տասներորդ տեղից բարձր հորիզոնական զբաղեցնեն: Վ. Գաբբենը այսպիսի քվեարկության պատճառը տեսավ երկրի արտաքին քաղաքականության նկատմամբ «սփյուռքի վերաբերմունքի» մեջ: Բացի այդ, նա նշեց, թե Հայստանը Եվրոպայի և Ռուսաստանի հետ շատ քիչ է աշխատում, քանի որ համարում է, թե «ամեն ինչ արդեն արված է ու այդքանը բավական է»։