Ձեր վստահելի աղբյուրը

Կենտրոնացված կարգով բուհեր դիմած ավելի քան 13.500 դիմորդից ուսանող են դարձել ավելի քան 12.000-ը։ Այս մասին Panorama.am-ին հայտնեց Հանրապետական ընդունող հանձնաժողովի մամուլի քարտուղար Լիլիթ Գալստյանը:

Նա նշեց, որ օրերս հրապարակվել են տարբեր մասնագիտություններով մրցութային անցողիկ միավորների շեմերը։
Այսպես` Երևանի պետական համալսարանի միջազգային հարաբերություններ ֆակուլտետում անվճար համակարգում անցողիկ միավորը` 58,4-ն է, տնտեսագիտության ֆակուլտետում` 57,1-ը, իսկ հանրային կառավարում ֆակուլտետում` 57,3-ը: Հայաստանի պետական ճարտարագիտական համալսարանի համակարգչային գեղարվեստական նախագծում ֆակուլտետում անվճար համակարգում անցողիկ միավորը` 45,8-ն է, մաթեմատիկայի դեպարտամենտում` 28,8-ը:

Երևանի ճարտարապետության և շինարարության պետական համալսարանի ճարտարապետության և դիզայնի ֆակուլտետում անվճար համակարգում անցողիկ միավորն է`52,3-ը, իսկ համակարգչային գեղարվեստական նախագծում ֆակուլտետում`37,5-ը:
Երևանի պետական տնտեսագիտական համալսարանի հաշվապահական հաշվառում ֆակուլտետում անվճար համակարգում անցողիկ միավորն է 50,3-ը, ֆինանսներ ֆակուլտետում` 56,3-ը, շուկայաբանություն ֆակուլտետում` 48,4-ը:

Խ. Աբովյանի անվան պետական մանկավարժական համալսարանի պատմության ֆակուլտետում անվճար համակարգում անցողիկ միավորն է 49,9-ը, մանկավարժություն և հոգեբանություն ֆակուլտետում` 45,4-ը:

Վ. Բրյուսովի անվան պետական լեզվաբանական համալսարանի օտար լեզուներ և գրականություն (անգլերեն) անվճար համակարգում անցողիկ միավորն է 49,3-ը, թարգմանչական գործ (անգլերեն լեզու և հայերեն) ֆակուլտետում անցողիկ միավորն է 49,5-ը: Մ. Հերացու անվան պետական բժշկական համալսրանի բուժական գործ ֆակուլտետում անվճար համակարգում անցողիկ միավորն է 34.3-ը, իսկ ստոմատոլոգիա ֆակուլտետում`37.1-ը: