Ձեր վստահելի աղբյուրը

Ինչպես և կանխատեսել էինք, Ջերմուկում ընթացող ՖԻԴԵ-ի «Գրան Պրի» մրցաշարի 3-րդ տուրի Ալեքսեև-Ինարկիև պարտիայում հաջողությունն ուղեկցեց սպիտակներին: Ռուսաստանցի շախմատիստը վերջնամասում կարողացավ իրացնել ձիու առավելությունը և կարևոր միավոր վաստակել: Այս հաղթանակը նրան հնարավորություն տվեց բարելավել մրցաշարային վիճակը, քանի որ մեկնարկային երկու տուրերում Ալեքսեևը հանդիպել էր Վլադիմիր Հակոբյանի ու Լևոն Արոնյանի հետ և ընդամենը կես միավոր էր վաստակել` ոչ-ոքի արձանագրելով առաջինի հետ պարտիայում:
Մրցաշարային աղյուսակը 2-ական միավորով շարունակում են գլխավորել Իվան Չեպարինովը, Լևոն Արոնյանը և Պետեր Լեկոն: Վասիլի Իվանչուկը, Եվգենի Ալեքսեևը, Ռուստամ Կասիմժանովը, Բորիս Գելֆանդը, Պավել Էլյանովը, Սերգեյ Կարյակինը, Էթյեն Բակրոն, Դմիտրի Յակովենկոն և Վլադիմիր Հակոբյանն իրենց ակտիվում 1,5-ական միավոր ունեն: Գատա Կամսկին 1 միավորով ընթանում է նախավերջին տեղում, իսկ Էռնեստո Ինարկիևն առայժմ ստիպված է հարմարվել հետնապահի կարգավիճակին:

Ալեքսեև-Ինարկիև 1:0

1. Nf3 Nf6 2. c4 g6 3. Nc3 Bg7 4. e4 d6 5. d4 O-O 6. Be2 e5 7. O-O Nc6 8. d5 Ne7 9. Ne1 Nd7 10. f3 f5 11. g4 Nf6 12. Nd3 c6 13. Be3 Kh8 14. Kh1 Bd7 15. Rg1 Be8 16. Qd2 fxe4 17. fxe4 b5 18. b3 Rc8 19. g5 Nxe4 20. Nxe4 cxd5 21. cxd5 Nxd5 22. Rgc1 Bc6 23. Rxc6 Rxc6 24. Bg1 Qa8 25. Bf1 Rfc8 26. Nb4 Nxb4 27. Qxb4 Rc2 28. Bg2 d5 29. Nf2 e4 30. Rd1 Rc1 31. Qd2 R8c2 32. Qxc1 Rxc1 33. Rxc1 h6 34. gxh6 Bxh6 35. Rc7 Qd8 36. Rxa7 Be3 37. Rb7 Qf8 38. Nxe4 Qc8 39. Rf7 Qe6 40. Rf6 Qg4 41. Bxe3 dxe4 42. Rf8+ Kg7 43. Re8 Qe2 44. Rxe4 Qxa2 45. b4 Qb1+ 46. Bg1 g5 47. h3 Qd1 48. Re5 Kf6 49. Rxb5 g4 50. Rd5 Qe1 51. Rd4 gxh3 52. Bxh3 Qg3 53. Bg4 Qb3 54. Kg2 Qb2+ 55. Bf2 Qb3 56. Bd7 Qg8+ 57. Bg4 Qg5 58. Kf3 Qb5 59. Ke3 Qa6 60. Be2 Qa3+ 61. Bd3 Qc1+ 62. Ke2 Qb2+ 63. Kf3 Qb3 64. b5 Qd1+ 65. Kg2 Ke5 66. b6 Qb3 67. Re4+ Kd6 68. Be2 Qg8+ 69. Rg4 Qb3 70. Bf3 Ke5 71. b7 Kf6 72. Bg3 Qc2+ 73. Kh3 1:0:

Այսօր տեղի ունենալիք 4-րդ տուրում կմրցակցեն.
Պետեր Լեկո-Սերգեյ Կարյակին
Էթյեն Բակրո-Պավել Էլյանով
Դմիտրի Յակովենկո-Բորիս Գելֆանդ
Վլադիմիր Հակոբյան-Ռուստամ Կասիմժանով
Լևոն Արոնյան-Գատա Կամսկի
Էռնեստո Ինարկիև-Իվան Չեպարինով
Վասիլի Իվանչուկ-Եվգենի Ալեքսեև