Ձեր վստահելի աղբյուրը

Մոսկվայում ավարտվեց աշխարհի ուժեղագույն շախմատիստների մասնակցությամբ կայացած Տալի հուշամրցաշարը: Վերջին տուրում հայ գրոսմայստեր Լևոն Արոնյանը սևերով հաղթեց աշխարհի չեմպիոն Վիշվանաթան Անանդին և լավ տրամադրությամբ ավարտեց մրցաշարը:

Հաշվի առնելով այն հանգամանքը, որ մեր շախմատիստը Տալի հուշամրցաշարում, ընդհանուր առմամբ, իր հնարավորություններից բավական ցածր հանդես եկավ, կարելի է ասել, որ նրա արթնացումը 9-րդ տուրում ինչ-որ առումով անսպասելի էր: Առաջատարին` Վլադիմիր Կրամնիկին մրցաշարային աղյուսակում հետապնդող Վիշվանաթան Անանդը հնարավորություն ուներ` հասնելու նրան, սակայն վերջին պարտիայում կրած ջախջախիչ պարտությունը թույլ չտվեց լուծել այդ խնդիրը: Աշխարհի չեմպիոնի կարիերայում այսպիսի պարտությունները շատ չեն: Հնդկացին պարզապես սարսափելի խաղաց և գործնականում անձամբ ոչնչացրեց իր արքայական թևը: Այնուհետև նա փորձեց փրկել իրավիճակը, սակայն հայտնվեց թակարդում և արդեն 25-րդ քայլին հանձնվեց:

Հաշվետու տուրում նորվեգացի Մագնուս Կառլսենը սևերով պարտության մատնեց հունգարացի Պետեր Լեկոյին: Ռուսլան Պոնոմարյովը, իր հերթին, առավելության հասավ Ալեքսանդր Մորոզևիչի նկատմամբ: Մյուս` Վասիլի Իվանչուկ-Վլադիմիր Կրամնիկ և Պյոտր Սվիդլեր-Բորիս Գելֆանդ պարտիաներում արձանագրվեց ոչ-ոքի արդյունք:

Արդյունքում աշխարհի նախկին չեմպիոն Վլադիմիր Կրամնիկը, վաստակելով 6 միավոր, հռչակվեց մրցաշարի հաղթող: Չի կարելի մոռանալ, որ Կրամնիկը ձգտում է հայտնվել աշխարհի չեմպիոնի կոչման հավակնորդների ցուցակում: Դրա համար նա միայն մեկ հնարավորություն ունի` վարկանշային սանդղակը: Պարզապես անհրաժեշտ է, որ նա տարվա արդյունքներով հայտնվի լավագույն երկու շախմատիստների թվում, չհաշված, իհարկե, Վեսելին Տոպալովին ու Լևոն Արոնյանին, ովքեր արդեն ուղեգիր են նվաճել, ինչպես նաև, բնականաբար, աշխարհի չեմպիոն Վիշվանաթան Անանդին: Առայժմ Կրամնիկը հաջողությամբ է լուծում իր գերխնդիրը` այդ ցուցանիշով զիջելով միայն Մագնուս Կառլսենին, ով, ի դեպ, Տալի հուշամրցաշարի արդյունքներով վարկանշային սանդղակում շրջանցել է Վեսելին Տոպալովին և զբաղեցրել առաջին հորիզոնականը: Ի դեպ, 18-ամյա նորվեգացին այս իրադարձությամբ պատմության մեջ մտավ, քանի որ համաշխարհային շախմատում դարձավ ամենաերիտասարդ գրոսմայստերը, ով գլխավորում է վարկանշային սանդղակը: Իսկ Կրամնիկի համար հիմա կարևորը դիրքերը պահպանելն է, թույլ չտալը, որ մոտակա հետապնդողը` ադրբեջանցի Վուգար Հաշիմովը, հասնի իրեն:
Ընթացիկ տարում Կրամնիկը դեռ պետք է հանդես գա Լոնդոնում կայանալիք մրցաշարում, որը կմեկնարկի դեկտեմբերի 7-ին: Նրանից բացի, Լոնդոնում կխաղան նաև Կառլսենը, ինչպես նաև անգլիացի երկու վետերանները` Նայջլ Շորթը և Մայքլ Ադամսը:
Երեկ Տալի հուշամրցաշարի մասնակիցները հանգստացան, իսկ արդեն այսօր նրանք կպայքարեն աշխարհի չեմպիոնի կոչման համար` բլից տարբերակով: Այս առաջնությանը, որը կընթանա նոյեմբերի 16-18-ն ընկած ժամանակահատվածում, կմասնակցեն նաև աշխարհի նախկին չեմպիոն Անատոլի Կարպովը, աշխարհի չեմպիոնուհի Ալեքսանդրա Կոստենյուկը, բլից տարբերակում լավագույն վարպետ Լենյեր Դոմինգեսը: Մրցաշարին հրավիրված են նաև Ալեքսանդր Գրիշչուկը, Դմիտրի Յակովենկոն և Հուդիթ Պոլգարը, ինչպես նաև Վուգար Հաշիմովը, Շահրիյար Մամեդյարովը, Եվգենի Բարեևը, Վլադիսլավ Տկաչևը, Չժոու Ցզյանչաոն և Սերգեյ Կարյակինը: Վերջինս, ի դեպ, առաջին անգամ հանդես կգա Ռուսաստանի դրոշի ներքո:
Տալի հուշամրցաշարում Իվանչուկն ու Կառլսենը 5,5-ական միավորով բաժանեցին 2-3-րդ հորիզոնականները: Նրանց հաջորդում են Արոնյանն ու Անանդը` 5-ական միավորով: 6-րդ տեղում հաստատվեց Գելֆանդը` 4,5 միավորով: Պոնոմարյովն իր ակտիվում 8 միավոր ունի, Սվիդլերը` 3,5: 3-ական միավորով մրցաշարային աղյուսակը եզրափակեցին Լեկոն ու Մորոզևիչը:


Վասիլի Իվանչուկ (Ուկրաինա)-Վլադիմիր Կրամնիկ (Ռուսաստան) 0,5:0,5

1. Nf3 d5 2. d4 Nf6 3. c4 e6 4. Nc3 dxc4 5. e4 Bb4 6. Bg5 h6 7. Bxf6 Qxf6 8. e5 Qd8 9. Qa4+ Nc6 10. Bxc4 Bd7 11. Qc2 Na5 12. Bd3 c5 13. dxc5 Rc8 14. a3 Bxc5 15. O-O O-O 16. Rad1 Be7 17. Qe2 Qc7 18. Qe4 g6 19. Qg4 Kg7 20. Ne2 Bc6 21. Nf4 Rg8 22. Nd4 Kh7 23. h4 Qxe5 24. h5 Kh8 25. Nxc6 Nxc6 26. hxg6 f5 27. g7+ Rxg7 28. Ng6+ Kg8 29. Nxe5 1/2:1/2:

Վիշվանաթան Անանդ (Հնդկաստան)-Լևոն Արոնյան (Հայաստան) 0:1

1. d4 d5 2. c4 c6 3. Nf3 Nf6 4. Nc3 a6 5. e3 b5 6. c5 Nbd7 7. Bd3 e5 8. Nxe5 Nxe5 9. dxe5 Nd7 10. e6 Nxc5 11. exf7+ Kxf7 12. b3 Nxd3+ 13. Qxd3 Qg5 14. g3 Qf6 15. Bb2 Qf3 16. Rg1 Bg4 17. a3 Re8 18. Rc1 b4 19. axb4 Bxb4 20. h3 Bxh3 21. g4 Bxg4 22. Rg3 Qf5 23. Qd4 Re4 24. Qa7+ Qd7 25. Qb6 c5 0:1:

Պետեր Լեկո (Հունգարիա)-Մագնուս Կառլսեն (Նորվեգիա) 0:1

1. e4 c5 2. Nf3 d6 3. d4 cxd4 4. Nxd4 Nf6 5. Nc3 a6 6. Be3 Ng4 7. Bg5 h6 8. Bh4 g5 9. Bg3 Bg7 10. h3 Nf6 11. Qf3 Qb6 12. O-O-O Nc6 13. Nxc6 Qxc6 14. Be2 Qc5 15. Rhe1 g4 16. hxg4 Bxg4 17. Qd3 Be6 18. e5 dxe5 19. Bf3 e4 20. Nxe4 Nxe4 21. Rxe4 O-O 22. Qe3 Rac8 23. Qxc5 Rxc5 24. Bg4 Bxg4 25. Rxg4 f5 26. Rb4 b5 27. a4 Rfc8 28. c3 Rc4 29. Rxc4 Rxc4 30. axb5 axb5 31. Rd8+ Kh7 32. Rd7 Rg4 33. Bb8 Rxg2 34. Rxe7 Kg6 35. Bg3 h5 36. Kd1 Bf6 37. Re6 Kf7 38. Re3 h4 39. Bc7 Rxf2 40. b3 Rf1+ 41. Ke2 Rc1 42. c4 bxc4 43. bxc4 Rxc4 44. Bb8 Rc2+ 45. Kf1 Kg6 46. Re2 Rc8 47. Bd6 Rc6 48. Be7 Bxe7 49. Rxe7 Rc2 50. Re3 Kg5 51. Kg1 Kg4 52. Ra3 f4 53. Ra8 Rd2 54. Ra7 Kg3 55. Rg7+ Kf3 56. Ra7 Rd1+ 57. Kh2 Ke2 58. Kh3 f3 59. Ra2+ Rd2 0:1:

Ռուսլան Պոնոմարյով (Ուկրաինա)-Ալեքսանդր Մորոզևիչ (Ռուսաստան) 1:0

1. d4 Nf6 2. c4 e6 3. Nf3 d5 4. g3 dxc4 5. Bg2 a6 6. O-O Nc6 7. Bg5 Be7 8.
e3 O-O 9. Nbd2 e5 10. Nxc4 exd4 11. Nxd4 Nxd4 12. Qxd4 Qxd4 13. exd4 Rd8
14. Rfd1 Bg4 15. Re1 Bb4 16. Rec1 Rab8 17. a3 Bf8 18. Ne3 Rxd4 19. Rxc7 Be220. Rxb7 Rxb7 21. Bxb7 Nd7 22. Nf5 Ra4 23. Re1 Bb5 24. Re8 h6 25. Be7 g6 26. b3 Ra5 27. Bb4 1:0:

Պյոտր Սվիդլեր (Ռուսաստան)-Բորիս Գելֆանդ (Իսրայել) 0,5:0,5

1. e4 e5 2. Nf3 Nf6 3. Nxe5 d6 4. Nf3 Nxe4 5. d4 d5 6. Bd3 Nc6 7. O-O Be7
8. Re1 Bg4 9. c4 Nf6 10. Nc3 Bxf3 11. Qxf3 Nxd4 12. Qd1 Ne6 13. cxd5 Nxd5
14. Bb5+ c6 15. Nxd5 cxb5 16. Qb3 O-O 17. Be3 Bc5 18. Rad1 Bxe3 19. Rxe3
Qa5 20. Qc2 Rfe8 21. f4 b4 22. f5 Nf8 23. Ne7+ Kh8 24. Qc4 Ne6 25. Nd5 Rad8 26. Ree1 Qc5+ 27. Qxc5 Nxc5 28. Rxe8+ Rxe8 29. Nxb4 g6 30. fxg6 1/2:1/2: