Ձեր վստահելի աղբյուրը

Աղետալի իրավիճակում գտնվող Հաիթիում հողին են հանձնել 7 հազար մարդու: Կղզում աշխատում են փրկարարներ աշխարհի տարբեր ծայրերից: Կարմիր Խաչ միջազգային կազմակերպության նախնական տվյալներով, զոհերի թիվը հասել է 50 հազարի: Երկրի իշխանությունների կարծիքով, զոհերի թիվը կարող է հասնել 500 հազարի: Տուժածների թիվը, ըստ արտասահմանյան լրատվամիջոցների, գերազանցում է 3 մլնը:

Նախօրեին տեղի է ունեցել զոհերի առաջին թաղումը: Երկրաշարժի զոհ դարձած մոտ 7 հազար մարդ է հուղարկավորվել եղբայրական գերեզմանում:

Հաիթիի երկրաշարժը կարող է պատմության մեջ մտնել որպես ամենասարսափելիներից մեկը: Երկու միլիոն մարդ մնացել է անօթևան: Շարունակվում են փլատակների տակ մնացած մարդկանց որոնման աշխատանքները:

ՄԱԿ-ը տարածել է նոր հաղորդագրություն իր աշխատակիցների մահվան մասին: Այսպես, զոհվել է 36 մարդ, այդ թվում և խաղաղապահներ, 73 աշխատակից վիրավորվել է, 160-ը համարվում է անհետ կորած: Այս պահին դեռևս անհայտ է ՅՈՒՆԵՍԿՕ-ի 14 աշխատակիցներից 8-ի ճակատագիրը:

Հաիթին շարունակում է փրկարարներ ու մարդասիրական օգնություն ստանալ աշխարհի տարբեր երկրներից: Այս առումով ևս բարդ իրավիճակ է առաջացել, օդանավակայանում ազատ տեղ չկա, նոր օդանավաերի կայանման համար: Բացի այդ նրանք չենք կարողանում վերադառնալ ավիացիոն վառելիքի սահմանափակ պաշարների պատճառով:

Ռուսաստանի ԱԻՆ առաջին ինքնաթիռը Հաիթի է հասել այսօր առավոտյան, այն դեպքի վայր է հասցրել փրկարարների ու շարժական հիվանդանոցներ: Այն Հաիթի է հասել նախ վայրէջք կատարելով Դոմինիկյան Հանրապետությունում: