Ձեր վստահելի աղբյուրը

«Ազատություն» ռադիոկայանի լրագրողը ՀՀ արտգործնախարար Էդվարդ Նալբանդյանի հետ հարցազրույցում նկատել է, որ ՀՀ երկրորդ նախագահ Ռ. Քոչարյանի ժամանակ արտաքին քաղաքականության առանցք էր հռչակված ցեղասպանության միջազգային ճանաչումը: Իսկ Նախագահ Սերժ Սարգսյանի նախաձեռնած հայ-թուրքական հարաբերությունների կարգավորման նախաձեռնությունը որոշակիորեն շրջադարձ է այդ քաղաքականությունից: Հարցադրմանը, թե ո՞րն է նման կտրուկ փոփոխության պատճառը, արտգործնախարար Էդվարդ Նալբանդյանը պատասխանել է, որ որևէ շրջադարձ կամ փոփոխություն ինքը չի տեսնում:

«Եթե Հայաստանի նախագահը ասում է, որ երբևէ հարցականի տակ չի դրվել և չի դրվի ոչ ցեղասպանության իրողությունը, ոչ էլ միջազգային ճանաչման կարևորությունը, ապա ակնհայտ է, որ փոփոխություն չկա», -հավելել է արտգործնախարարը: