Ձեր վստահելի աղբյուրը

Այսօր «Գիտության աշխարհում» գիտահանրամատչելի հանդեսի 5-ամյակի կապակցության Գիտությունների ազգային ակադեմիայում հանդիսավոր նիստ տեղի ունեցավ:

Այս 5 տարիների ընթացքում հրատարակվել է հանդեսի 20 համար` 500 տպաքանակով, որոնցում զետեղված են 200 հոդվածներ:

Նիստի ընթացքում ԳԱԱ նախագահ Ռադիկ Մարտիրոսյանը պատվոգրեր հանձնեց Հանդեսի խմբագրակազմին, Հայկ Ղազարյանին` որպես «Գիտության աշխարհում» գիտահանրամատչելի հանդեսի ամենաակտիվ ընթերցող և գովազդող, Շահեն Խաչատրյանին` որպես հանդեսի ամենաակիտվ հեղինակ, Ալբերտ Սարգսյանին` հանդեսի գործադիր տնօրեն, Նարինե Վարդանյանին` պատասխանատու քարտուղար, Ալվարդ Օհանջանյանին` հանդեսի գեղարվեստական ձևավորող:

Բացի այդ, նշենք, որ հետմահու պարգևատրվել էր նաև Անդրանիկ Մարգարյանը: Ռ. Մարտիրոսյանը նրա պարգևը հանձնեց որդուն` Տարոն Մարգարյանին: Հիշեցնենք, որ Ա. Մարգարյանը պարգևատրվել էր հանդեսի հիմնադրմանը մատուցած ծառայությունների համար:

Ռ. Մարտիրոսյանն իր խոսքում կարևորեց ամսագրի գործունեությունը այս 5 տարիների ընթացքում ու նշեց, որ չնայած այն հայտնի չէ հանրության լայն հատվածներին, սակայն գիտությամբ հետաքրքրվողը գիտե հանդեսի մասին ու շատ գոհ է:
«Որովհետև այն նվիրված է գիտությանը, գիտելիքների տարածմանը»,- եզրափակեց ԳԱԱ նախագահը: