Ձեր վստահելի աղբյուրը

Դեղորայքի շուկայում 7 ընկերություններ, որոնք տուգանվել էին Տնտեսական մրցակցության պաշտպանության պետական հանձնաժողովի կողմից 470 մլն դրամ` հակամրցակցային գործունեության համար, դիմել են դատարան: 

Հայցով նրանք պահանջել են ՏՄՊՊՀ-ի որոշման մի քանի կետեր անվավեր ճանաչել: Ի դեպ, հանձնաժողովն իր հերթական նիստերում արդեն քննարկել և մերժել էր այս ընկերությունների վարչական բողոքներում նշված փաստարկները:

Ըստ հանձնաժողովի կայացրած որոշման, ընկերությունները ոչ միայն պիտի վճարեին տուգանքը 10 օրվա ընթացքում, այլև իջեցնեին դեղորայքի անհիմն բարձրացված գները:

Panorama.am-ի թղթակցի հետ զրույցում ՏՄՊՊՀ մամուլի քարտուղար Արմինե Ուդումյանը հաստատեց, որ, ըստ իրենց վերջին մոնիտորիգի, գների էական տեղաշարժեր չկան. ոչ էական իջեցումներ են, ոչ էլ թանկացումներ:

Հիշեցնենք, որ անցյալ տարեվերջին դեղորայքի շուկայում իրականացված վարույթի շրջանակներում 7 ընկերությունները տուգանվեցին իրենց տարեկան շահույթի 2%-ի չափով, ինչը կազմեց 470 մլն դրամ:

Նախորդող նորություններ`

470 մլն դրամի տուգանքներ` դեղորայքի շուկայում  ,
ՏՄՊՊՀ-ն մերժեց վարչական բողոքը,
«Խեղճ» դեղ ներկրողներն ու իրենց եկամուտները: