Ձեր վստահելի աղբյուրը

Երևանի քաղաքապետարանում «Երևան քաղաքի գլխավոր հատակագծի ճշգրտման» նպատակով հասարակական քննարկում էր կազմակերպվել։

Մայրաքաղաքի գլխավոր հատակագիծն ընդունվել է 2005 թ.-ին, իսկ մինչ այդ գործում էր դեռևս 1971 թ.-ին ընդունվածը: Այսօրվա քննրակմանը մասնակցում էր նաև գլխավոր ճարտարապետ Սամվել Դանիելյանը: Նախագիծը նախատեսված է մինչև 2020 թ.-ը:

Կատարված փոփոխությունների արդյուքում անհրաժշտություն է առաջանում անընդհատ ճշգրտումներ մտցնել հատակագծում: Մինչ օրս այն անցել է մշակման փուլ: Ինչպես հավաստեց Ս. Դանիելյանը, բավական ուսումնասիրություններ են կատարվել:

«Անցած 4-5 տարում մշակել ենք գոտիավորման նախագիծը, էլի մի շարք աշխատանքներ ենք իրականացրել: Ըստ այդմ` պարզվել է, օրինակ, որ քաղաքին հողեր են վերադարձվել, և անհրաժեշտություն է առաջացել սահմանների վերաճշտման: Այս բոլորը ցույց են տալիս, որ այսօր գլխավոր հատակագծի որոշակի բաժիններում մենք ուղղակի ճշտումներ իրականացնելու անհրաժշտություն ունենք»,-ասաց Ս. Դանիելյանը:

Հիմնականում, տարածքների կառավարման խնդիրն է լուծվելու: Սակայն առաջացել են ինչպես տարածքների նպատակային օգտագործման հարցեր, այնպես էլ` բնակչության աճի, սոցիալ-տնտեսական զարգացման տեմպերի հետ կապված խնդիրներ: Քննարկումներում բաց չմնացին նաև բնապահպանական խնդիրները:

«Սպառողների իրավունքների պաշտպանություն» ՀԿ նախագահ Արմեն Պողոսյանը մատնանշեց մի շարք հարցեր` կապված բնապահպանական խնդիրների հետ, երբ կանաչ հատվածի գոտիների գույքագրման խնդիրն է վերհանվում, ինչպես նաև այն, որ հստակ սահմանված չէ, թե որտեղ, օրինակ, կարելի է գարեջրատուն կառուցել, որտեղ` ոչ: Ներկայումս քաղաքում բավական բարդ իրավիճակ է` կապված մեկ բնակչին բաժին ընկնող կանաչ տարածքների հետ. նախատեսված է, որ յուրաքանչյուր բնակչին 13 քմ կանաչ տարածք է հասնում, սակայն հիմա այն կազմում է ընդամենը 4,5 քմ:

Գլխավոր ճարտարապետը հավելեց, որ սպասվում են նաև օրենսդրական փոփոխություններ: «Ընդհանրապես, գլխավոր հատակագիծը կապված չէ դրա հետ, բայց մենք օրենսդրական դաշտի հետ կապված խնդրրներ ունենք: Քաղաքապետարանը նախաձեռությամբ հանդես է գալու, թե’ հողային օրենսգրքում, թե’ մի շարք այլ օրենքներում փոփոխություններ կատարելու վերաբերյալ»,- ասաց Ս. Դանիելյանը: