Ձեր վստահելի աղբյուրը

ՖԻԴԵ-ի կանանց «Գրան Պրիի» չորրորդ տուրն աչքի ընկավ չափազանց բարձր արդյունավետությամբ: 6 պարտիայից 5-ն ավարտվեց կողմերից մեկի հաղթանակով: Հետաքրքիր է, որ հաղթանակ տոնած չորս շախմատիստուհիներ խաղում էին սևերով:
Մրցաշարային աղյուսակը շարունակում է գլխավորել Տատյանա Կոսինցևան: 4 տուրում նա վաստակել է 3,5 միավոր: Նրանից կես միավորով են հետ մնում վրացուհի Նանա Ձագնիձեն: Երրորդ տեղում շվեդուհի Պիա Կրամլինգն է` 2,5 միավորով:

Նշենք, որ Կոսինցևայի մրցակիցը չորրորդ տուրում Բաթհույագ Մոնղոնթուլն էր: Իսպանական պարտիայում մրցակցուհիները գործում էին անշտապ: Ռուս շախմատիստուհուն աստիճանաբար հաջողվեց առավելություն ստանալ և որակ շահել: Իսկ տեխնիկական փուլը Կոսինցևան, ինչպես և սպասվում էր, անսխալ անցկացրեց:

Նանա Ձագնիձեն սպիտակներով խաղում էր մրցաշարում բավական հաջող մեկնարկած թրքուհի Բեթուլ Յիլդիզի հետ: Անգլիական սկզբնախաղում սպիտակները խլեցին նախաձեռնությունը: Սևերը, իրենց հերթին, ելք էին փնտրում` հավասարության հասնելու համար: Մի պահ թուրք շախմատիստուհին մոտ էր իր նպատակին, սակայն ցայտնոտում չկարողացավ օգտագործել իր հնարավորությունը և, կորցնելով մեկ զինվոր, պարտություն կրեց:

Այս մրցաշարում առաջին հաղթանակը տոնեց Պիա Կրամլինգը: Սև խաղաքարերով սլավոնական պաշտպանությունում նա առանց լուրջ խնդիրների հավասարեցրեց խաղը հայ շախմատիստուհի Էլինա Դանիելյանի հետ պարտիայում, իսկ այնուհետև նաև առավելություն ստացավ: Հակախաղի փնտրտուքը հանգեցրեց նրան, որ Էլինան զիջեց երկու զինվոր, սական դրա դիմաց սպասված փոխհատուցումը չստացավ: Արդյունքում Կրամլինգը վստահ հաղթանակ տոնեց 54-րդ քայլին, իսկ Էլինա Դանիելյանը, ով վերջին շրջանում իր խաղն այդպես էլ չի գտնում, կես միավորով շարունակում է եզրափակել մրցաշարային աղյուսակը:

Առաջին հաղթանակը տոնեց նաև Լիլիթ Մկրտչյանը, ով նախորդ պարտիաներից երկուսում ոչ-ոքի էր արձանագրել` ունենալով հաղթանակի հնարավորություններ, իսկ մեկում պարտվել էր: Նա սև խաղաքարերով պարտության մատնեց Ժաո Քսյուին: Հայ շախմատիստուհին հնդկական պաշտպանությունում բավական անսպասելի սկզբնախաղ ընտրեց: Զինվոր զոհաբերելով` նա ուժեղ խաղ ստացավ կենտրոնում: Քսյուն նախ կարողացավ հավասարեցնել խաղը, սակայն այնուհետև հավասար դիրքում կոպիտ սխալ թույլ տվեց և միանգամից հանձնվեց, քանզի առջևում թագուհու կորուստն էր…
Ավելացնենք, որ այսօր կայանալիք 5-րդ տուրում Լիլիթ Մկրտչյանն սպիտակներով կխաղա Էլինա Դանիելյանի հետ:

4-րդ տուր. 29.04.10
Ժու Չեն-Խոու Իֆան 0:1
Ժաո Քսյու-Լիլիթ Մկրտչյան 0:1
Էլինա Դանիելյան-Պիա Կրամլինգ 0:1
Բաթհույագ Մոնղոնթուլ-Տատյանա Կոսինցևա 0:1
Նանա Ձագնիձե-Բեթուլ Յիլդիզ 1:0
Բաիրա Կովանովա-Համփի Կոներու 0,5:0,5

Էլինա Դանիելյան-Պիա Կրամլինգ 0:1

1.d4 d5 2.c4 c6 3.Nc3 Nf6 4.e3 e6 5.Nf3 a6 6.c5 Nbd7 7.b4 g6 8.Bb2 Bg7 9.Bd3 O-O 10.O-O e5 11.dxe5 Ng4 12.e6 fxe6 13.h3 Nge5 14.Nxe5 Nxe5 15.Be2 Nf7 16.Qd2 e5 17.Na4 Bf5 18.f4 Qh4 19.Bd3
Bxd3 20.Qxd3 e4 21.Qd2 Bxb2 22.Qxb2 h5 23.f5 Qg5 24.Rf4 gxf5 25.Raf1 Nh6 26.Nc3 Qg7 27.Qd2 a5 28.Ne2 axb4 29.Nd4 Qg6 30.R1f2 Ra4 31.Kh2 Rf7 32.Rh4 Rg7 33.Kh1 Ra3 34.Ne2 Qg5 35.Rhf4 b3 36.axb3 Rxb3 37.Qc1 Rd3 38.Nd4 Rf7 39.Ra2 Qg3 40.Re2 Kh7 41.Ne6 Rf6 42.Nd4 Rf8 43.Qa1 Rxe3 44.Rxe3 Qxe3 45.Ne6 Rg8 46.Qb1 Qd2 47.Qf1 Re8 48.Rf2 Qc3 49.Nf4 Ra8 50.Qe2 Ra1+ 51.Kh2 h4 0:1:

Ժաո Քսյու-Լիլիթ Մկրտչյան 0:1

1.d4 Nf6 2.c4 e6 3.Nf3 b6 4.g3 Ba6 5.b3 b5 6.cxb5 Bxb5 7.Bg2 Bb4+ 8.Bd2 a5 9.Bxb4 axb4 10.Qd2 Qe7 11.Qg5 d5 12.Qxg7 Rg8 13.Qh6 c5 14.Qd2 Nc6 15.a4 Ba6 16.Ra2 c4 17.bxc4 Bxc4 18.Rb2 Rxa4 19.O-O Qd6 20.Rc1 Ke7 21.Ne5 Nxe5 22.dxe5 Qxe5 23.Rxb4 Rxb4 24.Qxb4+ Qd6 25.Qd2 Rb8 26.Nc3 Qe5 27.e3 Rb3 28.Qc2 Qb8 29.e4 Rb2 30.Qa4 Qb6 31.Nd1 Ra2 0:1:

Մրցաշարային աղյուսակը 4-րդ տուրից հետո

1. Տատյանա Կոսինցևա-3,5
2. Նանա Ձագնիձե-3
3. Պիա Կրամլինգ-2,5
4. Բեթուլ Յիլդիզ-2
5. Ժու Չեն-2
6. Բաիրա Կովանովա-2
7. Համփի Կոներու-2
8. Լիլիթ Մկրտչյան-2
9. Խոու Իֆան-2
10. Բաթհույագ Մոնղոնթուլ-1,5
11. Ժաո Քսյու-1
12. Էլինա Դանիելյան-0,5

5-րդ տուր. 30.04.10

Համփի Կոներու-Ժու Չեն
Բեթուլ Յիլդիզ-Բաիրա Կովանովա
Տատյանա Կոսինցևա-Նանա Ձագնիձե
Պիա Կրամլինգ-Բաթհույագ Մոնղոնթուլ
Լիլիթ Մկրտչյան-Էլինա Դանիելյան
Խոու Իֆան-Ժաո Քսյու