Ձեր վստահելի աղբյուրը

Մայիսյան հաղթանակներին նվիրված «Երևան» բժշկական կենտրոնում անցկացվող «Բուժօգնություն զոհված ազատամարտիկների ընտանիքներին» մեկամսյա բարեգործական ակցիայի շրջանակներում սպասարկվել է ազատամարտիկների շուրջ 700 բարեկամ: Այսօր այս մասին լրագրողների հետ հանդիպման ժամանակ ամփոփելով բարեգործական ակցիան` ասաց «Երևան» բժշկական կենտրոնի գլխավոր բժիշկ` ազատամարտիկ Տարոն Տոնոյանը:

ԲԿ-ի գլխավոր բժիշկը նշեց, որ արդեն երկրորդ տարին է, ինչ անկացվում են Արցախի ազատամարտի զոհված ու հաշմանդամ ազատամարտիկների ընտանիքների համար անվճար բուժօգնություն, հետազոտություններ, վիրահատություններ:

«Երբ անցյալ տարի կազմակերպեցինք ակցիան, բուժպարագաների ու դեղորայքի ծախսը իր վրա վերցրեց «Հայրենիք» հիմանդրամը, իսկ այս տարի դիմեցի Հայ հեղափոխական դաշնակցությանը, ով օգնեց այդ հարցում»,-ասաց Տ. Տոնոյանը:

Նա նշեց, որ ակցիան անցկացվում է կենտրոնում քանի որ «Երևան» ԲԿ-ում չկա պետպատվեր և տարին մեկ անգամ, մեկ ամսով, բժիշկները պատրաստակամությամբ անվճար բուժօգնություն են ցուցաբերում դիմողներին:

Հիմնականում, ինչպես գլխավոր բժիշկը ներկայացրեց, անցյալ տարի այս ակցիայի ընթացքում սպասարկվել է 520 Երևանի ու մարզերի բնակիչ: Այս տարի մասնագետները սպասում էին հիվանդների թվի ակտիվություն, քանի որ անցյալ տարի ակցիան լավ արդյունքներ է ունեցել: Տ. Տոնոյանը նշեց, որ հիվանդանոցում միայն չի իրականացվում նեիրո` գլխուղեղի վրա կատարվող ու սրտի վիրահատություններ, մյուս բոլոր վիրահատությունները հիվանդանոցը կարողանում է սպասարկել: Ակցիայի շրջանակում կատարվել է մոտ 100 վիրահատություն, թե ընդհանուր վիրաբուժական, լաբարասկոպիկ, բաց մեթոդով:

Կատարվել են նաև քիթ-կոկորդի, վահանաձև գեղձի, պրոկտոլոգիական, պրավմատոլոգիային ու օրթոպեդիային վերաբերող, այլ վիրահատություններ: «Նույնիսկ մեզ թույլ ենք տվել պլաստիկ վիրահատություններ կատարել, չնայած դրանք թանկ վիրահատություններ են համարվում ու աշխարհում ոչ մի ապահովագրական ընկերություն չի փակում դրանց ծախսերը: Կատարվել են 7-8 պլաստիկ վիրահատություններ»,- ասաց գլխավոր բիիշկը: Նա նաև նշեց, որ աշխարհագրական սահամնափակումներ չեն եղել, բուժօգնություն են ստացել Հայաստանից, Արցախից ու Ջավաղքից:

Վերջում բժիշկը նկատեց, որ հիվանդների մեծամասնությունը բողոքում են սոմատիկ հիվանդություններից, կապված աղեստամոքսային տրակտի, նյարդային համակարգի հետ: Իսկ այդպիսի հիվանդությունները, ինպես նկատեց Տ. Տոնոյանը, երկատատև սթրեսների, սոցիալական վատ պայմանների արդյունք են: