Ձեր վստահելի աղբյուրը

Երկրի ղեկավար Սերժ Սարգսյանի, օրենդիր, գործադիր ու տեղական ինքնակառավարման մարմինների ներկայացուցիչների մասնակցությամբ այսօր Արմավիրի մարզի Բաղրամյանի տարածաշրջանի Մյասնիկյան համայնքում կայացավ վերանորոգված «Հիսուսի մանուկներ» առողջության կենտրոնի բացման արարողությանը:

70-ականներին կառուցված այս կենտրոնը վերանորոգվել է 1999-ին, հետո ինչ-ինչ պատճառներով փակվել էր ու չէր օգտագործվում: Վերանորոգման աշխտանքները սկսել են 2009-ին «Հայաստանի մանուկներ» հիմնադրամի կողմից ու մի շարք բարերերների, այդ թվում «Փակումեան ընտանիք» բարեգործական հիմնադրամի ֆինանսական աջակցությամբ: Առողջական կենտրոնի վերանորոգման համար ծախսվել է 127.703 մլն դրամ:

Կենտրոնի բացման հանդիսավոր արարողությունից հետո ՀՀ նախագահը հայտարարեց «Հայաստանի մանուկներ» հիմնադրամի հիմնադիր ու խորհրդի ատենապետ Կարո Արմենին ՀՀ քաղաքացիություն շնորհելու մասին ու բացառիկ կարգով անձամբ նրան հանձնեց Հայաստանի անձնագիր: Ս. Սարգսյանը երախտագիտություն հայտնեց բարերարին` նշելով, որ անձամբ ճանաչում է նրան, ապա փաստեց, որ տարիների ընթացքում նրա գործունեությունն ավելի ակտիվանում է ու դրան նոր լիցք է հաղորդվում:

ՀՀ նախագահը հայտնեց, որ աշխարհի տարբեր մասերում ապրող հայերը ազատ են Հայաստանում իրականացնելու և շարունակելու իրենց քաղաքական, կրթական, բարեգործական գործունեությունը: «Մենք միայն ու միայն ուրախ կլինենք, ձեզ հաջողակ տեսնելու»,-ասաց նա:

Փոխվարչապետ Արմեն Գևորգյանն էլ «Փակումեան ընտանիք» բարեգործական հիմնադրամի ղեկավար Ջորջ Փակումեանին հանձնեց վարչապետի հուշամեդալ:
Նշենք, որ առողջական այս կենտրոնը կազմված է բիզնես ու առողջապահական մասերից, ունի 50 աշխատակից, պատրաստ է սպասարկել Բաղրմայանի շրջանի 20 հազար բնակչությանը: