![](https://panorama.am/news_images/355/1063472_1/f55c65e4f25b9c_55c65e4f25f89.thumb.jpg)
Աֆրիկյան ժանտախտ` Լոռիում
Աֆրիկյան ժանտախտի նոր դեպքեր են գրանցվել Լոռու մարզի Մարց ու Լորուտ գյուղերում: Այս մասին այսօր Panorama.am-ին ասաց գյուղատնտեսության նախարարության սննդամթերքի անվտանգության ու անասնաբուժական պետական տեսչության պետ Գրիգոր Բաղյանը:
Նրա խոսքով, հիվանդությունը դեռևս ամբողջությամբ չի նահանջել ու նոր դրսևորումներ է ունեցել մարզի երկու գյուղերում և հարակից տարածքներում: Գ. Բաղյանը նկատեց, որ Լորուտ գյուղում հարկադիր սպանդի է ենթարկվել ու ոչնչացվել է 125 գլուխ կենդանի, իսկ Մարցում` 53:
«Հանրապետությունում աֆրիկյան ժանտախտի նոր բռնկում է գրանցվել այս տարվա փետրվարին, երբ դեպքեր գրանցվեցին Լոռու և Տավուշի մարզերում: Դրանից հետո վիճակը հանդարտվեց, իսկ այժմ կրկին Լոռիում հիվանդության դեպքեր կան»,-ասաց Գ. Բաղյանը:
Չնայած դրան, պաշտոնյան նկատեց, որ արվում է հնարավորինը ժանտախտի վերացման համար: Գ. Բաղյանի խոսքով, այս հիվանդության դեմ պատվաստանյութ կամ բուժման միջոց չկա: Սակայն կարանտին է սահմանված մարզի երկու գյուղերում, որ հիվանդությունը տարածում չունենա:
Լրահոս
Տեսանյութեր
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)