Ձեր վստահելի աղբյուրը

1989թ. ռոքի աստղերի կողմից Rock Aid Armenia նախագծի շրջանակներում ձայնագրված “Smoke on the Water” երգի ռեմիքսը արդեն կարելի է գնել iTunes և Amazon ինտերնետային խանութներում:

Ռեմիքսը թողարկվել է Rock Aid Armenia/Armenia Grateful 2 Rock ծրագրի շրջանակներում, որը համատեղ իրականացնում են ավստրալիական Do Something կազմակերպությունը և Մեդիամաքս-ը:

Ծրագրի նպատակն է միջոցներ հավաքագրել Գյումրիի թիվ 6 երաժշտական դպրոցի վերականգնման համար, որը ավերվել էր 1988թ. երկրաշարժի հետևանքով:

«Մեդամաքս»-ի հաղորդմամբ, նախագծի իրականացման համար անհրաժեշտ է շուրջ $ 250.000, արդեն հավաքագրվել է $ 75.000: “Smoke on the Water”-ի ռեմիքսի օն-լայն վաճառքից ստացված ողջ հասույթը կուղարկվի դպրոցի վերականգնման հիմնադրամին:

iTunes ինտերնետային խանութում “Smoke on the Water/Rock Aid Armenia”-ն կարելի է ձեռք բերել հետևյալ հղումով` http://itunes.apple.com/us/album/smoke-on-water-2010-wermut/id396024924?i=396025040&ign-mpt=uo%3D4:

Amazon ինտերնետային խանութում “Smoke on the Water/Rock Aid Armenia”-ն կարելի է գնել հետևյալ հղումով` http://www.amazon.com/gp/product/B0045OFVR4/ref=cm_sw_r_fa_dp_i3AVmb04JR4KS:

Պրոմո-տեսահոլովակը հասանելի է հետևյալ հղումով` http://www.youtube.com/watch?v=1tsw3nKDlBE:

“Smoke on the Water” երգի ձայնագրմանը 1989թ. մասնակցել էր ռոք-երաժիշտների մի ամբողջ ընտրանի, մասնավորապես. Իէն Գիլանը և Ռիչի Բլեքմորը (Deep Purple), Բրայան Մեյը և Ռոջեր Թեյլորը (Queen), Թոնի Այոմին (Black Sabbath), Դևիդ Գիլմորը (Pink Floyd), Բրյուս Դիքինսոնը (Iron Maiden), Քրիս Սքվայրը (Yes), Ջեֆ Դաունսը (Asia), Պոլ Ռոջերսը (Bad Company), Քիթ Էմերսոնը (Emerson, Lake and Palmer):