Փաստեր. Ի՞նչ է կորցրել «Նաիրիտ»-ը և ի՞նչ է փնտրում
«Նաիրիտ գործարան» ՓԲԸ գլխավոր տնօրեն Վահան Մելքոնյանը նախօրեին` նոյեմբերի 12-ին ՀՀ նախագահի նստավայրի դիմաց աշխատավարձ չստացած գործարանի աշխատակիցների բողոքի ակցիայի ժամանակ լրագրողների հետ զրույցում հայտարարել է, թե գործարանի արտադրանքի 99 տոկոսն արտահանվում է:
«Գործարանը ըստ էության աշխատում է 99 տոկոսով դեպի արտասահման: Մեր արտադրանքը իրացվում է հիմնականում դուրսը»,-սա բառացի մեջբերում է գլխավոր տնօրեն Վահան Մելքոնյանի պատասխանից:
Մինչդեռ ի պատասխան Panorama.am-ի ` «Վ. Մելքոնյան. «Նաիրիտ»-ն ավելի շատ Երևանի օդն է տաքացնում, քան քիմիական արտադրանք է տալիս» հրապարակման ընկերության հասարակայնության և ԶԼՄ-ների հետ կապերի ծառայությունը հայտարարություն է տարածում ու հարգարաժան «Ազգ»-ի խմբագրակազմն էլ, հրապարկում է, թե ընկերության տնօրենը հայտարարել է, որ արտադրանքը արտահանվում է 97 տոկոսով: Նկատենք, որ այդ օրը ակցիայի վայրում եղել ու բողոքի ակցիան լուսաբանել են բազմաթիվ լրատվամիոցներ, գուցե այլ լրագրողների հետ զրույցում Մելքոնյանն այլ թիվ է հրապարակել, բայց Panorama.am-ը հիմնվել է տնօրենի կողմից տրամադրած տվյալների վրա: Ձայնագրությունը կարող եք լսել այստեղ: Երեկ երեկոյան հայտարարությունը ստանալուն պես, Վ. Մելքոնյանի պատասխանների ձայնագրությունը մենք ուղարկեցինք նույն էլեկտրոնային հասցեին, սակայն գործարանի այդ ծառայությունը չբարեհաճեց ճշգրտումներ մտցնել հայտարարության մեջ:
Ի դեպ, «Նաիրիտում» թվերի մասին այնքան էլ լավ ու հստակ պատկերացում չունեն: Օրինակ, առաջին հրապարակումից հետո` Բողոքի են դուրս եկել «Նաիրիտի» աշխատակիցները գործարանի նույն այդ ծառայությունը հայտարություն էր տարածել` լրատվամիջոցներին հորդորելով չսրել իրավիճակն ու նրանց մեղադրել էր չհիմնավորված հրապարակումների մեջ: Այդ ծառայության ղեկավարը Panorama.am-ին մեղադրում էր, որ հրապարկման մեջ գրել է, թե 3-4 ամսվա պարտք է կուտակվել /մենք նման բան չէինք էլ գրել, կարող եք նայել նախորդ նյութը/, ու բղավելով պնդում էր, թե աշխատակիցներին չի վճարվել ընդամենը 2 ամսվա աշխատավարձ: Սակայն նույն Վ. Մելքոնյանը նախօրեին բոլոր ԶԼՄ-ների ներկայությամբ հայտարարեց, որ կուտակվել է 3-4 ամսվա աշխատավարձ:
Հարգելի նաիրիտցիներ, քանի որ ինքներդ էլ հայտարարել ու ընդունել եք, որ Ձեր ընկերությունում այս պահին հստակություն չկա, հորդորում ենք չշտապել ու չհիմնավորված հայտարարություններ չանել: Ի վերջո, մենք միայն լսում ու արձանագրում ենք գործարանի աշխատավարձ չստացած աշխատակիցների, իր իսկ խոսքով «նախագահական կանչված» տնօրենի ու անընդհատ չհիմնավորված հրապարակումների մեջ մեղադրող հայտարարություններով հանդես եկող հասարակայնության և ԶԼՄ-ների հետ կապերի ծառայության ներկայացուցչի ասածները: Ինչ վերաբերում է էներգիայի ծախսի վերաբերյալ գործարանի հայտարարությունում նշված թվերին, ապա հրապարակման կոնտեքստից էլ պարզ է, որ 40 % արդյունավետությունը վերաբերում է էներգիայի ծախսին:
Մի բան էլ թվերի մասին. նախօրեին հենց բողոքի ակցիայի ժամանակ տնօրենի կողմից միջին աշխատավարձի մասին կեղծ թվեր հրապարակել չհանդուրժող աշխատակիցներից մի քանիսը ընդդիմացան ու հրապարակեցին իրենց աշխատավարձի չափը: «Նման բան չկա, ենթադրաբար ստում եք»,-ի պատասխան հայտարարեց Մելքոնյանը:
Նախորդող հրապարակում`
Նախագահի աշխատակազմի ղեկավարը քննադատել է «Նաիրիտ»-ի ղեկավարությանը
«Նաիրիտ գործարանի» աշխատակիցների բողոքներին կարող եք ծանոթանալ այստեղ:
Լրահոս
Տեսանյութեր
Ինչո՞ւ հանկարծ ՀՀ իշխանությունները որոշեցին խլել արցախցիների կենսաթոշակային խնայողությունները
