Ձեր վստահելի աղբյուրը

«Զգա կախարդանքը» («Feel the magic»). հենց այս կարգախոսի ներքո այսօր Մինսկում տեղի կունենա «Մանկական Եվրատեսիլ-2010» երգի միջազգային 8-րդ մրցույթը: Մրցույթի մասնակիցներին սպասվում է հետաքրքիր ծրագիր` կրկեսային շուո, հանդիպում բելառուսական Ձմեռ պապի հետ և այլն:

Մրցույթի հաղթողն ընտրվելու է հանդիսատեսի և որակավորում անցած ժյուրիի քվերակության արդյունքում` 50x50: Այս տարի ժյուրիի կազմում ընդգրկված են` Մարինա Դեվյատովան, Լարիսա Ռուբալսկայան, Դոմինիկ Ջոկերը, Գենադի Գլադկովը, Յուրի Էնտինին և Տուտտա Լարսենը:

Մրցույթին մասնակցում են Եվրոպական հեռարձակողների միության անդամ-երկրներից մեկական ներկայացուցիչ: Այս տարի մասնակցում է 14 պետություն: Հայաստանի ներկայացուցիչ 12-ամյա Վլադիմիր Արզումանյանը իր «Մամա» երգը ներկայացնելու է 10-րդը: Վ. Արզումանյանի հետ միաժամանակ բեմում լինելու են 5 պարող: Շոուի բեմականացմամբ զբաղվել է տարբեր մրցույթներում հաղթած Քրիստինե Ավագիմյանը, դեկորների ու հագուստի պատրաստմամբ` «Շարմ» ընկերությունը:

Նշենք, որ մրցույթը բացելու է Լիտվիայի ներկայացուցիչը, այնուհետև ելույթ են ունենալու Մոլդովայի, Նիդեռլանդների, Սերբիայի, Ուկրաինայի, Շվեդիայի, Ռուսաստանի, Լատվիայի, Բելգիայի, Մալտայի, Բելառուսի, Վրաստանի, Մակեդոնիայի ներկայացուցիչները:
15 հազար հանդիսատես տեղավորող «Մինսկ-Արենա» մարզահամերգային համալիրում անցնացվող մրցույթին հայաստանցիները կարող են հետևել Հանրային հեռուստատեսությամբ ժամը 23:15-ին: