Ձեր վստահելի աղբյուրը

Ընդունված է համարել, որ լրագրությունը հասարակության հայելին է և կոչված է լուսաբանելու և վեր հանելու հասարակությանը հուզող հիմնական թեմաներն ու խնդիրները: Մասնագիտական մոտեցումն այս հարցին խնդիրը լուծում է կարծրացած ավանդույթների միջոցով, մինչդեռ մոտեցումների, տեխնոլոգիաների և հասարակական գիտակցության զարգացումը բերել են նրան, որ հասարակության առավել ակտիվ հատվածը փորձում է ոչ միայն ներկայացնել սեփական կարծիքը, այլև հասարակական կարծիք ձևավորել այլընտրանքային հարթակներում` օրինակ բլոգերում կամ սոցիալական ցանցերում: Տեղեկատվության բազմազանության և շատության հետ ու զուգահեռ` լրատվադաշտում նվազել է անհատական կարծիքի արտահայտումը` բացառությամբ լրագրողական և փորձագիտականները: Հաշվի առնելով այս խնդիրները` Panorama.am-ը կստեղծի (կփորձի ստեղծել) «հասարակական-ինֆորմացիոն լեգեոնի» գործունեության նոր ասպարեզ, ինչի պահանջարկը ոչ միայն կա, այլև գնահատում ենք ուշացող: 

 Մենք երկու տարի առաջ փորձեցինք իրականացրել նման ծրագիր` «Panorama.am-ը գրում է պատվերով և առանց ամոթի», երբ հասարակական (բլոգերների) «ուղիղ պատվերով» և մոնիթորինգի արդյունքների հիման վրա առանձնացված առավել պահանջված և քննարկվող թեմաներով պատրաստվել են հրապարակումներ (http://panorama.am/am/pan-copy/): 

  ... Դե ինչ` ԶԼՄ-ների դերը փոխվում է։ Ըստ այդմ` կփոխվի նաև բլոգերի և սոցցանցերի դերը։ Ինչ կստացվի, ինչպես կշարունակվի որի համար` չգիտենք դեռ շատ որոշակիորեն։ Կստեղծվե՞ն միագումար դաշտեր, թե՞ կառանձնանան ըստ իրենց դերերի որոշակիության /եթե որոշակիանան, իհարկե/, կամ` այն, ինչ կստեղծվի, որևէ այլ կերպ կանվանվի՞ արդյոք. ևս դեռ հարցեր են։ 
Տեսնենք։

Այսպիսով` բայց փորձենք.
1. հնարավորություն տալ այս /և ընդհանրապես/ հասարակությանը ներկայանալ և արտահայտվել չմիջնորդավորված
2. հնարավորություն ստանալ հասարակական գործընթացներին հետևել «ներսից» և անընդհատ ուշադրության կենտրոնում և «ձեռքի տակ» ունենալ դրանք
3. ստեղծել «այլընտրանքային»` հասարակական կարծիքի արտահայտման հեշտ մեխանիզմ` զուտ մասնագիտական մոտեցումներին զուգահեռ:
Որքանով է արդարացված կամ կենսունակ նման մոտեցումը, կերևա ժամանակի հետ։
Տեխնիկայի հարցը կա, գիտենք…

Այժմ` քանի որ Panorama.am-ը տարվա հինգ կարևոր իրադարձությունների «փնտրտուք» է սկսել ու հարցերով դիմել և՛ պետական կառույցներին, և՛ Է /կամ` Ի ։Ճ/-հասարակությանը, շարունակենք ներկայացնել շարքը`

2010 թվական. Գնահատում են բլոգերները.
- Ինչ հինգ կարևոր իրադարձություն կնշեիք, որ տեղի են ունեցել այս տարում. գնահատեք դրանք, խնդրում եմ:
- Ձեր կարծիքով հասարակությունը ինչ քայլեր պիտի աներ, որ չի արել:
- Դուք գտնու՞մ եք, որ ձեր արտահայտած կարծիքը ազդեցություն ունի հասարակական կարծիքի վրա, ընտրո՞ւմ եք, ինչ ասել:
- Այս հարցերին ինչ հարց կավելացնեիք ու ում կառաջարկեիք դրանց պատասխանել։

                                                            Դաբավոգ   

                                            Նարջան                       Գագո-բեռլին                         

                                           Զլոյան                          Կոմտե-դե-Վերանդ  
                                                               
                                           Նորայր                          Էպիստոլանե 
                                                                                  
                                         Տանամասի                      Մունլայթ              

                                        Բյուր                                 Ջավախք

                                                                                  Պանդուխտ

(շարունակելի) 
Շատուքիչ չհամարեք
 Ձեր` Panorama©