Ձեր վստահելի աղբյուրը

«Ոսկե գլոբուս» կինոմրցանակի հանձման արարողությունը, որը տեղի կունենա հունվարի 16-ին Բեվերլի Հիլզում, կվարեն Մեթ Դեյմոնը, Ջենիֆեր Լոպեսը և Ռոբերտ Պատիսոնը:

Ըստ РИА Новости-ի, մասնավորապես, Դեյմոնը Ռոբերտ Դե Նիրոյին կշնորհի Cecil de Mille պատվավոր մրցանակը` կինոարվեստում ունեցած ավանդի համար:

Լավագույն արտասահմանյան ֆիլմի համար ներկայացվածների թվում է նաև Ալեքսեյ Ուչիտելի «Ծայրամաս» ֆիլմը, որը ՌԴ-ի կողմից ներկայացվել է «Օսկարի»:

Վերջինիս մրցակիցներն են մեքսիկացի Ալեքսանդրո Ինյարիտուի <Բյութիֆուլ>, ֆրանսիական «Համերգ» ֆիլմը, որը նվիրված է Մեծ թատրոնի դիրիժորի ճակատագրին, որը խորհրդային տարիներին ստիպված էր աշխատել որպես հավաքարար, ինչպես նաև իտալացի ռեժիսոր Լուկա Գուադանինոյի «Ես-սեր» ֆիլմը:

Ամենաշատ անվանակարգերում`յոթ, ներկայացված է բրիտանացի ռեժիսոր Թոմ Հուպերի պատմական «Արքան ասում է» ֆիլմը: Կոլին Ֆերտի մասնակցությամբ, որը խաղում է միապետ Գեորգ 6-րդի դերը: Այս ֆիլմը հավակնում է ամենալավ գեղարվեստական ֆիլմ, լավագույն ռեժիսուրա, լավագույն դերասանական գլխավոր և երկրորդական դերեր, լավագույն սցենար մրցանակներին: Տարվա «Լավագույն ֆիլմ» դասակարգում նաև շրջանառվում է Դարեն Արոնոֆսկիի «Սև կարապ», Կոեն եղբայրների «Երկաթյա մենամարտ», Կրիստոֆեր Նոլանի «Սկիզբ» և արդեն Լոս-Անջելոսի, Բոստոնի, Նյու-Յորքի, և Մեծ Բրիտանիայի կինոքննադատների սիրված ֆիլմը դարձած «Սոցիալական ցանց»-ը:

Լավագույն դրամատիկ դերասանուհի դասակարգում մրցում են Նիկոլ Կիդմանը, Հոլի Բերրին, Ջենիֆեր Լոուրենսը, Նատալի Պորտմանը և Միշել ՈՒիլյամսը, իսկ լավագույն դրամատիկ դերասան կոչման համար պայքարում են Կոլին Ֆերտը, Ջեյմս Ֆրանկոն, Մարկ Ուոլբերգը, Ջեսսի Էիզենբերգը և Ռայան Գոզլինգը: Անջելինա Ջոլին առաջադրվել է մրցանակի կոմեդիա և մյուզիքլ անվանակարգում, որը դերասանուհու մոտ առաջացրել է զարմանք և ծիծաղ, իսկ «Տուրիստ» ֆիլմը ավելի շուտ համարվում է թրիլլեր: Ջոլիի հետ ֆիլմում նկարված Ջոննի Դեպը նույնպես հավակնում է մրցանակի հումորային ժանրում` Ջեյք Հիլլենհոլոմի և Կեվին Սպեյսի հետ:

Լավագույն անիմացիոն ֆիլմ կարող է հռչակվել «Խաղալիքների աշխարհ-3»-ը, «Ինչպես ձեռնասուն դարձնել վիշապին», «Ես` վնասարարս» և «Ռապունցել»-ը :

«Ոսկե գլոբուսը» տրվում է 1944թ-ից Հոլիվուդի օտարերկրյա տեղեկատվական ասոցիացիայի կողմից, որում ընդգրկված են մոտ 100 լրագրողներ, որոնք բնակվում են Կալիֆորնիայում և լուսաբանում են ամերիկյան կինոարդյունաբերությունը օտարերկրյա պարբերականների համար: