Այսօր կկազմակերպվի հանդիպում աշխարհահռչակ դիրիժոր և ջութակահար Մաքսիմ Վենգերովի հետ

Մշակույթ 10:31 21/02/2011

Այսօր կկազմակերպվի հանդիպում աշխարհահռչակ դիրիժոր և ջութակահար Մաքսիմ Վենգերովի հետ

Այսօր Կոմիտասի անվան պետական կոնսերվատորիայում կկազամակերպվի աշխարհահռչակ դիրիժոր և ջութակահար Մաքսիմ Վենգերովի հանդիպումը կոնսերվատորիայի ուսանողների հետ, իսկ ՅՈՒՆԻՍԵՖ-ի մանկական նվագախմբի հետ կանցկացնի վարպետության դասեր:

Նշենք, որ Մ. Վենգերովը 1997 թվականից հանդիսանում է ՅՈՒՆԻՍԵՖ-ի կոմիսար:

Աշխարհահռչակ դիրիժոր և ջութակահար Մաքսիմ Վենգերովն արդեն մեկ շաբաթից ավելի է գտնվում Հայաստանում և պատրաստվում է Երևանյան համերգին: ՀՀ մշակույթի նախարարության աջակցությամբ և Հայաստանի պետական երիտասարդական նվագախմբի հրավերով` վաղը ժամը 19:00-ին Ա. Խաչատրյան համերգասրահում առաջին անգամ Հայաստանում համերգային ծրագրով հանդես կգա աշխարհահռչակ դիրիժոր և ջութակահար Մաքսիմ Վենգերովը:

Այդ օրը դիրիժորական վահանակի մոտ Մաքսիմ Վենգերովը կղեկավարի Հայաստանի պետական երիտասարդական նվագախումբը: Ծրագրում հնչելու է Ռիմսկի-Կորսակովի Մեծ Զատիկի ռուսական նախերգանքը, Սիբելիուսի ջութակի կոնցերտը, Ռիմսկի-Կորսակովի Շահրազադեն:
Համերգին իր մասնակցությունը կբերի Հայաստանի պետական ֆիլհարմոնիկ նվագախմբի փողային կազմը

Նշենք, որ աշխարհահռչակ դիրիժոր և ջութակահար Մաքսիմ Վենգերովը համագործակցել է լավագույն երաժիշտների հետ և արժանացել է բազում մրցանակների, այդ թվում երկու անգամ արդեն արժանացել է Գրեմմի մրցակին:

Մաքսիմ Վենգերովը տաղանդի բազմակողմանի դրսևորումների տեր արդի արվեստագետներից է: Լինելով համաշխարհային հռչակ վայելող ջութակահար`նա բազմից հանդես է եկել աշխարհի լեգենդար բեմերում`հանրահայտ դիրիժորների ղեկավարությամբ

Նշենք, որ Վենգերովի մասին նկարահանվել են մի շարք երաժշտական ֆիլմեր:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: