Ձեր վստահելի աղբյուրը

Կիրակի օրը Լոս-Անջելեսում կայացել է Օսկար մրցանակաբաշխության 83-րդ արարողությունը: Մրցանակաբաշխության տարվա լավագույն ֆիլմ գլխավոր անվանակարգում հաղթող է ճանաչվել բրիտանական «Թագավորը խոսում է» ֆիլմը:

Ինչպես հաղորդում են ամերիկյան լրատվամիջոցները, 1943 թ-ից ի վեր առաջին անգամ սույն անվանակարգում ներկայացված են եղել ոչ թե 5, այլ 10 ֆիլմ: Ընդհանուր առմամբ, բրիտանական ֆիլմը ներկայացված է եղել 12 անվանակարգերում, սակայն հաղթող է ճանաչվել չորսում, այդ թվում լավագույն ռեժիսյոր (Թոմ Հուպեր), տղամարդու լավագույն դերակատարություն (Քոլին Ֆերթ) ու յուրահատուկ սցենար անվանակարգերում: Նույնքան անվանակարգերում հաղթել է Քրիս Նոլանի «Սկիզբ» ֆիլմը:

«Թագավորը խոսում է» ֆիլմը արքայազն Ալբերտի թագավորական գահին բարձրանալու ճանապարհը պատմող պատմական դրամա է:
Այլ անվանակարգերից հատկանշական է կնոջ լավագույն դերակատարություն անվանակարգում Նատալի Պորտմանի հաղթանակաը «Սև կարապ» ֆիլմի համար։

Lավագույն օտար լեզվով ֆիլմ անվանակարգում մրցանակ է շնորհվել«Վրեժ» ֆիլմին (Դանիա): «Խաղալիքների պատմություն. մեծ փախուստ» մուլտֆիլմն էլ հաղթող է ճանաչվել որպես լավագույնը իր ժանրում: