Ձեր վստահելի աղբյուրը

Կատարի մայրաքաղաք Դոհայում շարունակվում է ՖԻԴԵ-ի կանանց «Գրան Պրի» մրցաշարը: 7-րդ տուրում Էլինա Դանիելյանը պարտության մատնեց Ժու Չենին և 6,5 միավոր արդյունքով շարունակում է միանձնյա գլխավորել մրցաշարային աղյուսակը` 1,5 միավորով գերազանցելով երկրորդ տեղում հաստատված Մարի Սեբագին: Վերջինս, իր հերթին, առավելության հասավ Պիա Կրամլինգի նկատմամբ:

Հաշվետու տուրում Լիլիթ Մկրտչյանը տոնեց իր առաջին հաղթանակը մրցաշարում: Նրա «զոհը» Սյու Յուհուան էր: Այժմ Լիլիթն իր ակտիվում 3 միավոր ունի և Մարթա Ֆիերոյի հետ բաժանում է 7-8-րդ տեղերը:
7-րդ տուրում Նանա Ձագնիձեն հաղթեց Անտուանետա Ստեֆանովային, Մայա Չիբուրդանիձեն` Մարթա Ֆիերոյին, Համփի Կոներուն` Բաթհույագ Մոնղոնթուլին:

Մրցաշարային աղյուսակի 3-րդ հորիզոնականում հաստատված Համփի Կոներուն 4,5 միավոր ունի: Նրան 4-ական միավորով հաջորդում են Նանա Ձագնիձեն և Պիա Կրամլինգը: Մայա Չիբուրդանիձեն վաստակել է 3,5 միավոր և ընթանում է 6-րդ տեղում: Բաթհույագ Մոնղոնթուլն իր ակտիվում 2,5 միավոր ունի, իսկ Ժու Չենը, Սյու Յուհուան և Անտուանետա Ստեֆանովան 2-ական միավորով եզրափակում են մրցաշարային աղյուսակը:
Այսօր կայանալիք 8-րդ տուրում Էլինա Դանիելյանը կխաղա Համփի Կոներուի հետ: Լիլիթ Մկրտչյանի մրցակիցը Նանա Ձագնիձեն է:

Սյու Յուհուա-Լիլիթ Մկրտչյան 0:1

1. e4 e6 2. d4 d5 3. Nd2 Nc6 4. Ngf3 Nf6 5. e5 Nd7 6. Nb3 Be7 7. Bb5 a5 8. a4
Na7 9. Be2 b6 10. h4 c5 11. c3 Nc6 12. Rh3 f6 13. Rg3 O-O 14. Bh6 Rf7 15. exf6 Bxf6 16. Ng5 Re7 17. Bb5 Bb7 18. Qc2 gxh6 19. Nf7+ Kxf7 20. Qxh7+ Ke8 21. Rg8+ Nf8 22. Qxh6 Rf7 23. dxc5 Kd7 24. O-O-O Kc7 25. Qe3 bxc5 26. Nxc5 Qd6 27. f4 Bxh4 28. g3 Be7 29. Ne4 Qd7 30. c4 d4 31. Qe2 Rd8 32. Nf2 Kb8 33. Nd3 Bd6 34. Qe4 Qc7 35. Kb1 Nb4 0:1:

Էլինա Դանիելյան-Ժու Չեն 1:0

1. d4 Nf6 2. c4 g6 3. Nc3 Bg7 4. Nf3 O-O 5. Bf4 d6 6. e3 Nh5 7. Bg5 h6 8. Bh4 c5 9. dxc5 g5 10. Nd2 Nf6 11. Bg3 dxc5 12. Be2 Nc6 13. O-O Bf5 14. h3 Rc8 15. Re1 Bg6 16. Bf3 b6 17. Bxc6 Rxc6 18. Qa4 Rc8 19. Nf3 Ra8 20. Ne5 Bh7 21. Rad1 Qc8 22. Nd5 Re8 23. Nc6 Nxd5 24. cxd5 Bxb2 25. e4 Bg7 26. h4 a6 27. hxg5 hxg5 28. Qc4 e6 29. a4 Bf8 30. Qc3 exd5 31. exd5 Be4 32. Ne5 Qf5 33. f3 Bc2 34. Rd2 Bxa4 35. d6 Rad8 36. Qa1 Bb5 37. Ng4 Bg7 38. Be5 Qe6 39. Rdd1 Qg6 40. Bxg7 Rxe1+ 41. Rxe1 f5 42. Nf6+ Kxg7 43. Re7+ Kf8 44. Qe5 f4 45. Rh7 Re8 46. Qe7+ 1:0: