Այսօր կանցկացվի «Կենգուրու» միջազգային մաթեմատիկական խաղ-մրցույթը

Կրթություն, գիտություն 10:18 17/03/2011

Այսօր Հայաստանի 912 դպրոցներում և Արցախի 13 դպրոցներում անցկացվում է «Կենգուրու» միջազգային մաթեմատիկական խաղ-մրցույթը, որին մասնակցում են ավելի քան 36 600 աշակերտներ:

Հայաստանում «Կենգուրու» մրցույթի բացառիկ կազմակերպիչն է «Այբ» կրթական հիմնադրամի տեղեկատվության համաձայն, «Կենգուրու» մրցույթը Հայաստանում անցկացվում է արդեն երրորդ անգամ: Մրցույթին շարունակական ակտիվ մասնակցությունը. Տեղեկատվության համաձայն, ապացուցում է, որ երեխաների համար կրթությունը հետաքրքրությունների շարքում վերջին տեղում չէ, և որ հայ դպրոցականները ամեն տարի սիրով ու ոգևորությամբ մասնակցում են աշխարհում ամենազանգվածային մրցույթին:

Ինչպես անցյալ տարի, այս տարի նույնպես խնդիրները լինելու են երկլեզու` հայերեն և ռուսերեն: Մրցույթի օրը երեխան հնարավորություն կունենա ընտրել խնդիրները կարդալու և հասկանալու իրեն հարմար լեզուն: Այս հնարավորությունը ընձեռնվել է ՀՀ-ում Ռուսաստանի Դաշնության դեսպանատանն առընթեր «Ռոսսոտրուդնիչեստվո» ներկայացուցչության հետ համագործակցության շնորհիվ:

«Կենգուրուն» տրամաբանական և հետաքրքրաշարժ խնդիրներից կազմված մրցույթ է, որն ամեն տարի նույն օրն անցկացվում է շուրջ 50 երկրում` մոտ 6 միլիոն դպրոցականների մասնակցությամբ: «Կենգուրուին» մասնակցում են 3-11-րդ դասարանցի բոլոր ցանկացողները` անկախ մաթեմատիկական ունակություններից կամ առաջադիմությունից: Մրցույթի նպատակն է համընդհանուր հետաքրքրություն առաջացնել մաթեմատիկայի հանդեպ և մաթեմատիկան առավել գրավիչ ու սիրելի դարձնել երեխաների համար:
Նշենք, որ մրցույթն անցկացվում է կրթության և գիտության նախարարության հովանու ներքո:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: