Ձեր վստահելի աղբյուրը

Ուղիղ 5 տարի առաջ ՝ 2006 թվականին մարտի 21-ին, հայտնի սոցցանցի համահիմնադիր Ջեք Դորսին ուղարկեց առաջին «թուիթը»՝ (140 նիշը չգերազանցող հաղորդագրություն):
Կայքի 5-ամյակի կապակցությամբ, Twitter-ի պաշտոնական բլոգում հրապարակվել է հետաքրքիր վիճակագրություն՝ ամեն օր կայքում հրապարակվում է մոտ 140 մլն հաղորդագրություն և գրանցվում է մոտ 460 հազար նոր օգտատեր:
Twitter-ում ամենից շատ հետևորդներ ունի երգչուհի Լեդի Գագայի միկրոբլոգը, որն ունի ավելի քան 8 մլն հետևորդ: Նրան հաջորդում են փոփ աստղեր Ջասթին Բիբերը և Բրիթնի Սփիրսը:

Լավագույն հնգյակը եզրափակում են ԱՄՆ նախագահ Բարաք Օբաման և դերասանուհի Քիմ Քարդաշյանը:

2010 Twitter-ի այցելուներն ուղարկել են ավելի քան 25 մլրդ թուիթ, Twitter-ի աշխատակիցների թիվը 130-ից դարձել է 400: Ներկայում սոցիալական կայքը հասանելի է 7 լեզուներով՝ անգլերեն, ֆրանսերեն, գերմաներեն, իտալերեն, ճապոներեն, չինարեն և իսպաներեն:

Մասնագետների հաշվարկների համաձայն, անցյալ տարի Twitter-ը վաստակել է 45 մլն դոլար. eMarketer-ի կանխատեսումների համաձայն, այս տարի ցանցի միայն գովազդից ստացված եկամոտը կավելանա մոտ 3 անգամ և կկազմի ավելի քան 150 մլն դոլար: