Ռ. Գոլդման «Օլիմպիադան հնարավորություն է ընձեռում ցույց տալ Հայաստանի զարգացող դերը որպես միկրոէլեկտրոնիկայի տարածաշրջանային կեն

ՏՀՏ-ն Հայաստանում 13:00 24/03/2011

Այս տարի միկրոէլեկտրոնիկայի հայաստանյան ամենամյա միջազգային 6-րդ օլիմպիադան կանցկացվի սեպտեմբեր-հոկտեմբեր ամիսներին։

Սինոփսիս Արմենիայի գլխավոր գործադիր տնօրեն Ռիչ Գոլդմանի համոզմամբ, օլիմպիադայի շրջանակներում ստեղծված համագործակցությունը կփոխհատուցի Հայաստանի կազմակերպիչների ներդրած բոլոր ջանքերը:
«Օլիմպիադան հնարավորություն է ընձեռում ցույց տալ Հայաստանի զարգացող դերը որպես միկրոէլեկտրոնիկայի տարածաշրջանային կենտրոն և Հայաստանի համար հզոր հիմք է հանդիսանում ողջ աշխարհում արժեքավոր համագործակցություններ ստեղծելու ճանապարհին»,- նշեց օլիմպիադայի գլխավոր կազմակերպիչ՝ Սինոփսիս Արմենիայի գլխավոր գործադիր տնօրենը:

Ռիչ Գոլդմանը տեղեկացրեց նաև, որ այս տարի օլիմպիադային մասնակցության ցանկություն են հայտնել Հայաստանի, Հնդկաստանի, Հորդանանի, Ռուսաստանի, Սերբիայի, Ուկրաինայի, ԱՄՆ-ի և այլ երկրների ներկայացուցիչներ:

Միկրոէլեկտրոնիկայի հայաստանյան ամենամյա միջազգային 6-րդ օլիմպիադայի հաղթողների համար սահմանված են մրցանակներ:
Առաջին կարգի մրցանակը նոութբուք է, երկրորդը՝ 300 հազար դրամ (շուրջ 800 դոլար), երրորդը՝ 150 հազար դրամ (շուրջ 400 դոլար): Նախատեսված են նաև հատուկ մրցանակներ լավագույն ճարտարագիտական լուծման, ամենաստեղծագործական լուծման, ամենայուրօրինակ լուծման և մասնակից յուրաքանչյուր երկրից լավագույն արդյունք ցուցաբերելու համար:

Օլիմպիադայի բոլոր մասնակիցները կստանան մասնակցության վկայականներ:
Նշենք, որ արդեն 2-րդ տարին է օլիմպիադայի հովանավորությունը ստանձնում է ՎիվաՍել-ՄՏՍ ընկերությունը:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: