Ստորագրվեց «Տեղեկատվության և ռեսուրսների փոխանակման ուղղությամբ համագործակցության մասին» հուշագիր
ՀՀ էկոնոմիկայի նախարարությունում այսօր ստորագրվեց քառակողմ փոխըմբռնման հուշագիր` «Տեղեկատվության և ռեսուրսների փոխանակման ուղղությամբ համագործակցության մասին» խորագրով: Հուշագիրը ստորագրեցին էկոնոմիկայի նախարար Տիգրան Դավթյանը, Առևտրաարդյունաբերական պալատի նախագահ Մարտին Սարգսյանը, Զարգացման հայկական գործակալության գլխավոր տնօրեն Ռոբերտ Հարությունյանը և Արդյունաբերողների և գործարարների (գործատուների) միության նախագահ Արսեն Ղազարյանը:
Հուշագիրը նպատակ ունի ստորագրող կողմերի միջև ընդլայնել տեղեկատվության և ռեսուրսների փոխանակմանն ուղղված համագործակցության շրջանակները և գործարար միջավայրի բարելավման ու նորարարությունների ներդրման միջոցով զարգացնել պետական-մասնավոր հատվածների համագործակցությունը:
Ինչպես նշեց Տ. Դավթյանը, այսօր ֆորմալ ձևակերպման բերեցին այն հարաբերությունները, որոնք այսքան տարիներ առկա էին 4 կառույցների միջև: «Հենց մեր կառույցներն են այսքան տարիներ ձեռք ձեռքի տված նպաստում մեր երկրի տնտեսության զարգացմանը: Յուրաքանչյուր կառույց ունի իր ռեսուրսն ու հնարավորությունը: Այս հուշագրով դրանք մեկտեղում ենք և դարձնում բոլորիս համար մատչելի», -ասաց նախարարը:
Ռ. Հարությունյանը նույնպես բարձր գնահատեց նախաձեռնությունը և նշեց, որ այն թույլ կտա տնտեսության զարգացմանն ուղղված այս փուլում հասնելու կառավարության առջև դրված նպատակներին:
Մ. Սարգսյանի համոզմամբ, այս հուշագիրը նոր որակ կհաղորդի հետագա համագործակցությանը, որը միտված է գործարար համայնքի գործունեության և տնտեսության զարգացմանը: Ըստ նրա, համատեղ գործունեությամբ կնպաստեն հատկապես գործարար համայքնի զարգացմանը:
Արսեն Ղազարյանը անդրադառնալով այն խոսակցություններին, թե այս 4 կառույցները մրցակցում են միմյանց հետ, նշեց, որ դրանք իրականությանը չեն համապատասխանում: «Մենք միշտ էլ համագործակցել ենք ու իրար օգնությամբ մեծ ծրագրեր իրականացնել»,- նկատեց Ա. Ղազարյանը` հավելելով, որ այն լայն հնարավորություն կընձեռի կողմերին սերտացնելու սոցիալական գործընկերությունը, նպաստելու արդյունաբերության զարգացմանը, ինչպես նաև միմյանց միջև ակտիվացնելու երկխոսությունը, տեղեկատվության փոխանակումը և գործարար կապերը:
Նշենք, որ հուշագրի համաձայն` կողմերը կփոխանակեն ընթացիկ գործունեության վերաբերյալ տեղեկատվություն, ռեսուրսներ, կիրականացնեն համատեղ ծրագրեր, կկազմակերպեն համատեղ հանդիպումներ, քննարկումներ և միջոցառումներ:
Լրահոս
Տեսանյութեր
Կլինի այնպիսի մի շաբաթ, երբ որ այդ լուրը գուցեև ճիշտ լինի. Ավանեսյանը՝ ՔՊ-ի թիրախում լինելու մասին
