«Առողջ սնունդ». Բուլկին ու խաչապուրին փոխարինենք կաթով ու մրգով
Օրը կաթնամթերքով, մրգով ու մարմնամարզությամբ սկսելն առողջության գրավականներից մեկն է: Այդ մասին գիտեն բոլորը, սակայն քչերն են ապրում այսպիսի ռիթմով: Ու չնայած «առողջ մարմնում առողջ հոգի» կարգախոսը մարդկանց գիտակցության մեջ դեռ փոքր տարիքից ձևավորված է, սակայն մեզանից շատերը շարունակում են տանից դուրս գալ սոված փորով, ու երբեմն էլ երեխաներին են առանց սնելու ուղարկում դպրոց, որտեղ երեխայի սնվելու միակ հնարավորությունը բուֆետի կերակրացանկն է:
Իսկ ի՞նչ են վաճառում այսօր դպրոցների բուֆետներում. բուլկիներ, խաչապուրիներ, անհասկանալի գույնի ու համի նրբերշիկներ և անհայտ ծագում ունեցող ոչ օգտակար այլ մթերքներ: Երեխան, որ օրվա մի մասն անցկացնում է դպրոցում, փաստորեն, սնվելու այլընտրանք չունի, այն դեպքում, երբ դպրոցական բուֆետում պետք է կաթ, միրգ ու բանջարեղեն լինեն:
Այսօր եվրոպական կրթական համակարգում իրականացվում է «Առողջ Սնունդ» ծրագիրը: Եթե բուֆետի սնունդը համապաստախանում է առողջ սնունդ կատեգորիային, ապա ուսումնական հաստատություններին տրվում են համապատասխան վկայականներ: Եվրոպացի մայրը երեխային դպրոց տանելիս առաջնորդվում է այդ վկայականով ու գիտի, որ իր փոքրիկը դպրոցում եղած ժամանակ ճիշտ է սնվելու: Իսկ մեզ մոտ պատկերը հետևյալն է՝ բուլկիով բուֆետ և ծնողների մի բանակ, որ ամեն ինչ անում է երեխային ֆիզկուլտուրա առարկայից ազատելու համար՝ չգիտակցելով, որ այսպիսի ապրելակերպը կարող է հանգեցնել ճարպալակության:
Վերջին տասը տարում ճիշտ սննդակարգի թեման շատ ակտուալ է ամբողջ աշխարհում, հատկապես այն բանից հետո, երբ բժիշկները բացահայտեցին, որ մարդիկ ավելի շատ մահանում, հաշմանդամ են դառնում ոչ թե ինֆեկցիաների, այլ սիրտ-անոթային հիվանդությունների, որոշակի ուռուցքների, շաքարախտի հետևանքով: Գիտակցելով, որ շատ ավելի հեշտ ու էժան է այս հիվանդությունները կանխելը, սկսվեցին հետազոտություններ՝ ռիսկի ֆակտորները բացահայտելու ուղղությամբ: Այդ հետազոտությունները հանգեցրին նրան, որ ճարպակալումն այս խնդիրներից մեկն է:
Արտասահմանյան խոշոր սննդային ընկերություններն այսօր շատ լրջորեն են մոտենում ճարպակալությանը՝ արտադրելով այնպիսի սնունդ, որը պարունակում է օրգանիզմի համար անհրաժեշտ օգտակար բաղադրիչներ: Խոշոր արտադրողները ձգտում են նվազագույնի հասցնել բոլոր այն վտանգները, որ սնունդը կարող է ստեղծել օրգանիզմի համար: Հայաստանում նույնպես տեղական արտադրողների մի մասը սկսել է մեծ ուշադրություն դարձնել ճարպակալության խնդրին:
«Աշտարակ կաթ» ընկերությունը հիշեցնում է, որ մեր շուկայում այսօր կա իր կողմից ստեղծված «Կովիկ» ապրանքանիշը, որը, ունենալով ցածր յուղայնություն, ոչ միայն կանխում է անցանկալի գիրությունը թե’ երեխաների, թե’ մեծահասակների շրջանում, այլև օգնում հետագայում զերծ մնալ սրտի հետ կապված խնդիրներից: Հատկապես, որ վերջերս հայ բժիշկների կողմից 1000 դպրոցականների շրջանում իրականացված հետազոտությունը բացահայտեց հայ երեխաների մոտ առկա ավելորդ քաշի տագնապահարույց խնդիրը:
Այսօր թե՛ հայ, թե՛ արտասահմանցի բժիշկները պնդում են, որ միրգ, բանջարեղեն և ցածր յուղայնությամբ կաթ գովազդելն առողջ ապրելակերպի առաջին կետերից մեկն է: Իրականում, առողջ ապրելն ամենևին էլ բարդ բան չէ: Լինի միայն ցանկություն, և յուրաքանչյուր մարդ կարող է պահպանել առողջության այն մակարդակը, որը ստացել է ծնված օրից:
Լրահոս
Տեսանյութեր
Քեզ ըտենց Դո՞գն է ասել. Լարված վիճակ Երևանի ավագանիում
