Ձեր վստահելի աղբյուրը

Այսօր դիմորդները քննություն են հանձնում ընդհանուր պատմություն, աշխարհագրություն, կենսաբանություն, վաղը՝ ռուսաց լեզու, իսկ 14-ին քիմիա առարկներից:

Հիշեցնենք, որ հունիսի 4-ից մեկնարկել է միասնական քննությունների 2-րդ փուլը, այն կավարտվի 3 օրից` հուլիսի 14-ին: Օգոստոսի 1-ին արդեն հայտնի կլինեն քննությունների ընդհանուր արդյունքները:

Երկրորդ փուլի քննություններին մասնակցելու համար հայտագրվել է ընդհանուր առմամբ 1486 դիմորդ, ի տարբերություն առաջին փուլի, երբ քննություններին մասնակցելու համար հայտագրվել էր 1209 դիմորդ:

Նշենք նաև, որ քննությունների երկրորդ փուլին շատ են օտար երկրներից դիմած դիմորդները: Օրինակ, 100 դիմորդ միասնական քննությունների 2-րդ փուլին մասնակցելու համար հայտագրվել է Ջավախքից, կան դիմորդներ Ուկրաինայից, Ռուսաստանի Դաշնությունից, ինչպես նաև Թաիլանդի, Իրանի Իսլամական հանրապետության դպրոցներն ավարտած դիմորդներ:

Օգոստոսի 15-ից արդեն հանրապետությունում կսկսվի նեղ մասնագիտությամբ քննությունների շրջանը, որի շրջանակում քննություն կտան Երևանի երաժշտական կոնսերվատորիա, Ֆիզիկական կուլտուրայի ինստիտուտ, Թատերական ինստիտուտ դիմող դիմորդները: