Իրանցի պաշտոնյա. «Նախատեսվում է, որ 5 հազար քրիստոնյա կայցելի Ղարաքիլիսայի հայկական եկեղեցում մատուցվող պատարագին»

Տարածաշրջան 15:30 13/07/2011

«Իրանի Արևմտյան Ազարբայջան նահանգում գտնվող հայկական Ղարաքիլիսա եկեղեցում կատարվող ամենամյա կրոնական արարողությունը հնարավորինս լավ կազմակերպելու նպատակով տեղի իշխանությունները ձեռնարկել են անհրաժեշտ բոլոր քայլերը»:
Այդ մասին Իրանի պաշտոնական «ԻՌՆԱ» լրատվական գործակալության հաղորդմամբ` այսօր կայացած միջոցառումները համակարգող նիստի ընթացքում հայտարարել է Չալդրան շրջանի ղեկավար Համիդռեզա Ղոլի Փուրը:

«Այս տարի նախատեսվում է, որ ս.թ. հուլիս 21-ին Ղարաքիլիսայի եկեղեցում տեղի ունեցող միջոցառմանը մասնակցելու նպատակով, ինչպես Իրանից, այնպես էլ ամբողջ աշխարհից մոտ 5 հազար քրիստոնյաներ կայցելեն:
Միջոցառման մասնակիցների հարմարավետությունն ապահովելու նպատակով կգործեն կապի, ինչպես նաև շտապօգնության ծառայությունները»,-նշել է իրանցի պաշտոնյան:

Ատրպատականի հայոց թեմի խորհրդի նախագահ Վ. Մելոյանը, միջոցառումների պատշաճ կազմակերպելու համար բարձր գնահատելով Արևմտյան Ազարբայջան նահագի ղեկավարության ջանքերը, նշել է, որ դա վկայում է, որ Իրանի Իսլամական Հանրապետությունը հարգում է ազգային փոքրամասնությունների իրավունքները:

«Ղարաքիլիսա եկեղեցին Արևմտյան Ազարբայջան նահանգում գտնվող երրորդ մշակութային կոթողն է, որ ճարտարապետության տեսանկյունից լինելով համաշխարհային նշանակության կոթող, ընդգրկվել է ՅՈՒՆԵՍԿՕ-ի համաշխարհային ժառանգության ցուցակում:
Հայերը հավատում են, որ եկեղեցու կառուցման վայրում նահատակվել և թաղվել է Հիսուս Քրիստոսի առաքյալներից մեկը՝ Թադևոսը»,-եզրափակում է իրանական կայքը:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: