«Սահման»-ը կմասնակցի Մոսկվայի Ազգային կինոմատոգրաֆիաների ֆորումին
Հարություն Խաչատրյանի «Սահման» ֆիլմը կմասնակցի Ազգային կինոմատորգրաֆիաների 15-րդ ֆորումին, որը կանցկացվի օգոստոսի 28-ից մինչև սեպտեմբերի 4-ը Մոսկվայի Կրասնայա Պրեսնիայում գտնվող Կինոկենտրոնի մեծ դահլիճում, տեղեկացնում են «Ոսկե ծիրան» փառատոնի մամուլի գրասենյակից:
Ազգային կինեմատոգրաֆիաների ֆորումը կազմակերպված է Կինեմատոգրաֆիստների միությունների կոնֆեդերացիայի կողմից, ԱՊՀ երկների Միջպետական հումանիտար համագործակցության հիմնադրամի և Ռուսաստանի Դաշնության Պետֆիլմաֆոնդի մասնակցությամբ:
ԱՊՀ երկրների, Լատվիայի, Լիտվայի և Էստոնիայի ազգային կինոմատոգրաֆիաների ֆորումը անցկացնելու մասին որոշումը ընդունվել է այդ երկրների վարչապետների խորհրդի կողմից 1994 թ. դեկտեմբերի 9-ին: Ֆորումն ընդգրկված է ԱՊՀ երկների մշակութային համագորակցության 2011 թվականի հիմնական ծրագրում:
15-րդ Ֆորումի ծրագրում ընդգրկված են հետևյալ ֆիլմերը. «Տարածք» (Ադրբեջան), «Սահման» (Հայաստան), «Համաձայնության կանխավարկածը» (Ռուսաստան), «Կապար» (Ուզմեկիստան), «Կարմիր սնդիկ» (Էստոնիա, Ռուսաստան), «Ընտանեկան հարցեր» (Լատվիա), «Միանձնուհին» (Բելառուս), «Իսկ այնտեղ թատրոն կա» (Վրաստան, Կախի Կավսաձեի մասնակցությամբ), «Ուշացած սեր» (Ղազախստան, Նատալիա Արինբասովայի և Ժերար Դեպարդյեի մասնակցությամբ): Ֆորումի շրջանակներում կկայանան ավանդական քննարկումներ և ավարտական «Եվրասիայի կինոարվեստը 2010-2011» կլոր սեղան – քննարկումը:
Հիշեցնենք, որ Հարություն Խաչատրյանի «Սահման» ֆիլմը ներկայացված է եղել մի շարք միջազգային փառատոններում և արժանացել Անթալիայի միջազգային փառատոնի Գրան-պրի մրցանակին, Սիրակուզների և Խիխոնի միջաղգային փառատոների «Լավագույն վավերագրական ֆիլմ» մրցանակին, Իտալիայի «Կինոատելյե » փառատոնի Դարկո Բրատինա մրցանակին տարվա լավագույն ֆիլմի համար: 2010 թ. Ֆիլմը ստացել է FIPRESCI միջազգային կինոքննադատների ֆեդերացիայի մրցանակը Շվեյցարական Ֆրիբուրի միջազգային փառատոնում: 2009 թ. «Սահմանը» բերել է իր հեղինակին ԱՊՀ և Բալտիայի երկների «Կինոշոկ» փառատոնի լավագույն ռեժիսոր մրցանակը:
Լրահոս
Տեսանյութեր
Մեր հետ քննարկում չի եղել, հարկերը բարձրացրել են. Ոսկու շուկայի աշխատակիցները կառավարության մոտ են
