Ձեր վստահելի աղբյուրը

«Չորրորդ ինքնիշխանություն» օրաթերթի տեղեկություններով` գործարար Սամվել Մայրապետյանի գործերն այդքան էլ լավ չեն: Վերջինս ֆինանսական լուրջ խնդիրների պատճառով որոշել է վաճառել «Տոյոտայի» իր բաժնեմասը:

«Բանն այն է, որ Սամվել Մայրապետյանը, որը մտերիմ հարաբերությունների մեջ է Ռոբերտ Քոչարյանի հետ, ինչպես նաև քավոր-սանիկային հարաբերություններ ունի փոխվարչապետ Արմեն Գևորգյանի հետ, հիմա «ճռռում» է վարկերի տակ:

Ինչպես հայտնի է, Մայրապետյանը` Քոչարյանի և Գևորգյանի հովանավորությամբ, զբաղված է էլիտար շինարարությամբ: Շինարարության համար վերցված վարկերի մարման ժամանակն արդեն վրա է հասել, իսկ նրա կառուցած շենքերը դեռեւս չեն վաճառվել. դրանք շարունակում են որպես գրավ մնալ բանկերի ենթակայության տակ: Կամ Մայրապետյանը պետք է մարի վարկն ու շենքերը գրավադրումից «ազատի», կամ էլ բանկերը ստիպված կլինեն «իրենցով անել» այդ շենքերը: Ուստի գործարարը որոշել է իր որոշ բիզնեսները վաճառքի հանել և դրանցից ստացված գումարներով փակել վարկերը», - գրում է թերթը: