«Լրագրողներ առանց սահմանների» կազմակերպություն. Նախիջևանում անպատժելիության մթնոլորտ է տիրում

Տարածաշրջան 13:20 07/09/2011

«Լրագրողներ առանց սահմանների» (ԼԱՍ) կազմակերպությունը մտահգություն է հայտնել Նախիջևանի իշխանությունների կողմից ԶԼՄ-ների ներկայացուցիչների նկատմամբ հետապնդումների առնչությամբ: Այս մասին տեղեկացնում է «Թուրան» լրատվական գործակալությունը:

Աղբյուրի փոխանցմամբ, կազմակերպությունը նաև մտահոգություն է արտահայտել «Ազատություն» ռադիոկայանի աշխատակից Եֆեզա Հասանովին՝ Նախիջևանից արտաքսելու փաստի առնչությամբ:

Նշենք, որ երեք քաղաքացիական հագուստով անձինք Եֆեզա Հասանովին փողոցում կանգնեցրել են, բռնի կերպով մեքենա նստեցրել և տարել դեպի Իրանի անցակետ՝ «խորհուրդ» տալով այլևս չվերադառնալ Նախիջևան:

Աղբյուրի փոխանցմամբ, «Լրագրողներ առանց սահմանի» կազմակերպությունը տարածել է հայտարարություն, որտեղ մասնավորապես նշվում է, որ «Նախիջևանի իշխանությունները՝մահվան սպառնալիքից և այլ հետապնդումներից բացի, սկսել են ավելի մեծ ճնշումներ գործադրել ԶԼՄ-ների վրա»:

«Լրագրողի արտաքսումն իր իսկ հայրենիքից վկայում է իրավական դաշտի բացակայության, ինչպես նաև Նախիջևանում ստեղծված անպատժելիության մթնոլորտի մասին»,- նշված է հայտարարության մեջ:

Կազմակերպությունը նաև նշում է, որ գնալով մեծանում է «Թուրան» լրատվական գործակալության աշխատակից՝ Մալահատ Նասիբովի նկատմամբ ճնշումը, ով առաջին էր, որ հայտնեց, թե Ազգային Անվտանգության նախարարությունում մահացած Տուրաչ Զեյնալովի մասին և հարցազրույց վերցրել նրա հարազատներից:

Դրանից հետո, Նասիբովան և նրա ամուսինը սկսել են սպառնալից հաղորդագրություններ ստանալ:

«Ադրբեջանի իշախանությունները մեկնաբանել Նախիջևանում կատարվածը: Եվ դրա համար միջազգային հանրությունը պետք է անհապաղ արձագանքի Նախիջևանում տեղի ունեցող իրադարձություններին: Հակառակ դեպքում, Նախիջևանում իրավիճակը կտարածվի Ադրբեջանով մեկ»,- նշված է հայտարարության մեջ:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: