Ձեր վստահելի աղբյուրը

«Ես շատ կարևորեցի Հանրապետության նախագահի նման մոտեցումը և, բնականաբար, համարում եմ հերթական կարևորագույն քայլերից մեկը մեր տնտեսական զարգացումը նոր մակարդակի բարձրացնելու համար»,- Panorama.am-ի հետ զրույցում ՀՀ ԱԺ պատգամավոր Վարդան Բոստանջյանն այսպես մեկնաբանեց ՀՀ նախագահ Սերժ Սարգսյանի ելույթը հայ և ֆրանսիացի գործարարների հետ նախաճաշի ժամանակ:

Նշենք, որ հայ և ֆրանսիացիների հետ ելույթում նախագահ Սարգսյանը հայտարարել է. «Օտարերկրյա ներդրումների ներգրավման նպատակով Հայաստանը հայտարարել է «Բաց դռների» ներդրումային քաղաքականություն և հանգուցային սկզբունքներ են հռչակվել առավել բարենպաստ ռեժիմը, մեր ազգային հոգատար մոտեցումը և սեփականության բոլոր ձևերի ամուր պաշտպանությունը»:

«Չթերագնահատելով գործարար շահի նշանակությունը` բնականաբար առաջին տեղում բիզնեսը պետք է լինի այստեղ որևէ կասկած չկա, բայց դրանով դուք նաև ձեր առանցքային ներդրումը կբերեք մեր տարածաշրջանի հավասարաչափ զարգացմանը` հետևապես և անվտանգության ապահովմանն ու Եվրոպական միության հարևանությամբ խաղաղ ու կայուն գոտու ստեղծմանը»,- ամփոփել է նախագահ Սերժ Սարգսյանը:

Պատգամավորի համոզմամբ, ցանկացած ներդրումային ինստիտուտ իշխանությունների կողմից ամենաբարձր մակարդակով կպաշտպանվեն:

«Մեր իշխանությունները ամենաբարձր մակարդակով կստեղծեն նպաստավոր պայմաններ, որպեսզի ֆրանսիական կապիտալը գտնվի ավելի նպաստավոր վիճակում» ,- նշեց Բոստանջյանը: