Ձեր վստահելի աղբյուրը

Երևանի քաղաքապետարանի աշխատակազմի տրանսպորտի վարչությունն ուսումնասիրել և ամփոփել է քաղաքապետարանի կառուցվածքային ստորաբաժանումների և Երևանի վարչական շրջանների աշխատակիցների կողմից սեպտեմբերի 27-ի առավոտյան ժամերին մայրաքաղաքի հասարակական տրանսպորտի երթուղիներում շահագործվող տրանսպորտային միջոցներում կատարված դիտարկումների արդյունքում ներկայացված դիտողությունները և առաջարկությունները:
Քաղաքապետարանի տեղեկատվության և հասարակայնության հետ կապերի վարչության փոխանցմամբ, դիտարկումների արդյունքներով ավտոբուսային երթուղիներում սպասարկումը թեև հիմնականում գնահատվել է բավարար, այդուհանդերձ առանձին երթուղիներում մեծ են եղել շարժման միջակայքերը (երթ. հ.հ.12, 43, 19, 35, 40), վարորդների կողմից ծխելու դեպքեր են արձանագրվել հ.հ.59Ա և 79Ա երթուղիներում:

Միկրոավտոբուսային երթուղիներում դեռևս քիչ չեն այնպիսի փոխադրամիջոցները (հիմնականում «ՌԱՖե և «ԵՐԱԶե մակնիշների), որոնց ծառայության ժամկետները անցած են, գտնվում են տեխնիկապես անսարք վիճակում և ենթակա են փոխարինման:

Միկրոավտոբուսները հիմնականում աշխատում են գերբեռնված վիճակում և առավոտյան «պիկե ժամերին փաստացի շահագործվող միկրոավտոբուսների քանակը բավարար չէ: Արդյունքում մեծ են շարժման միջակայքերը (երթ. հ.հ.64, 49, 30, 115, 22, 109) և կանգառներում առաջանում են ուղևորների կուտակումներ.

Առանձին շարժակազմերում արձանագրվել է ոչ բավարար սանիտարական վիճակ (երթուղիներ հ.հ.10, 26, 73, 87, 117): Վարորդների կողմից ծխելու դեպքեր են արձանագրվել հ.հ.38, 41, 57, 4, 124, 93, 77, 21, 61, 45, 117, 70 երթուղիներում: Վարորդների կողմից ուղեսրահում երաժշտություն միացնելու և ընթացքի ժամանակ բջջային հեռախոսով խոսելու դեպքեր են արձանագրվել հ.հ.70, 24, 117, 87 երթուղիներում: Հ.Հ. 38, 41, 118, 4, 96 երթուղիներում վարորդները ախատանքի են ներկայացել ոչ բավարար արտաքին տեսքով:

«Երևանտրանսե ՓԲ ընկերությանը հանձնարարվել է քննարկել բարձրացված հարցերը և համապատասխան միջոցներ ձեռնարկել մոնիտորինգի արդյունքում արձանագրված թերությունները վերացնելու և ուղևորների պատշաճ սպասարկում ապահովելու ողղությամբ:

Միևնույն ժամանակ ներքաղաքային ավտոբուսային հ.հ.26, 40 և միկրոավտոբուսային հ.հ.110, 64, 22, 117, 30, 115, 109, 116, 49, 48 երթուղիներում ուղևորափոխադրումներ իրականացնող թվով 11 կազմակերպություններ վարչության կողմից գրավոր զգուշացվել են` առավոտյան ժամերին շարժման միջակայքերը չպահպանելու և ուղևորների կանոնավոր սպասարկում չիրականացնելու համար: