Մեկնարկել է Վ. Փափազյանի անվան Շեքսպիրյան միջազգային թատերական փառատոնը

Մշակույթ 10:15 15/10/2011

Մեկնարկել է Վ. Փափազյանի անվան Շեքսպիրյան միջազգային թատերական փառատոնը

Նախօրեին Գաբրիել Սունդուկյանի անվան ազգային ակադեմիական թատրոնում ցուցադրված Մոսկվայի Չեխովի անվան միջազգային թատերական փառատոնի և Լոնդոնի «Չիկ բայ ջաուլ» թատրոնի համատեղ նախագիծը` Շեքսպիրի «12-րդ գիշեր» հանրահայտ ներկայացումը՝ բեմադրությունը անգլիացի աշխարհահռչակ բեմադրիչ Դեկլան Դոնելլանի, տվել է Վ. Փափազյանի անվան Շեքսպիրյան միջազգային թատերական փառատոնի մեկնարկը: Փառատոնը կշարունակվի մինչև հոկտռեմբերի 29-ը:

Ռուսաստանը կներկայացնի նաև Տուվայի հանրապետության «Մաքսիմ Մունզուկ» բարեգործական հիմնադրամի կողմից ստեղծված «Անսանձ կնոջ սանձահարումը» ներկայացումը Գալինա Մունզուկի գլխավոր դերակատարմամբ:

Փառատոնին մասնակցում են նաև Իրանն ու Վրաստանը: Իրանը կներկայացնի Անդիշե թատերախումբը` «Մակբեթ» և «Ռոմեո և Ջուլիետ» ներկայացումներով, իսկ Վրաստանը կներկայացնեն Թբիլիսիի Շ. Ռուսթավելու անվ. ազգային թատրոնը «Համլետ» և Թբիլիսիի Վ. Աբաշիձեյի անվ. Դրամայի և կոմեդիայի պետական թատրոնը`աշխարհի մի շարք փառատոների մեծ հաջողությամբ մասնակցած «Մակբեթ» ներկայացումներով: Փառատոնին կմասնակցի նաև միջազգային ճանաչում ունեցող թուրքմեն բեմադրիչ Օվլյակուլի Խոջակուլին, որը կներկայացնի «Համլետ» բեմադրությունը:

Փառատոնին Հայաստանը կներկայացնեն Ալ. Սպենդիարյանի անվ. Օպերայի և բալետի թատրոնը` «Ռոմեո և Ջուլիետ», Երևանի Հր. Ղափլանյանի անվ. Դրամատիկական թատրոնը` «Հուլիոս Կեսար», «Է. Էլբակյան» թատրոնը` «Ռոմեո և Ջուլիետ», Հայաստանի Թատերական գործիչների միությունը` «Լեդի Մակբեթ» ներկայացումներով:

Փառատոնի կայացմանն աջակցել են ՀՀ մշակույթի նախարարությունը, Երևանի քաղաքապետարանն ու Հայաստանի թատերական գործիչների միությունը:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: