Ձեր վստահելի աղբյուրը

Երևանի նորընտիր քաղաքապետ Տարոն Մարգարյանն այսօր հանդես է եկել ուսոնողներին հասցեագրված շնորհավորական ուղերձով` նրանց մաղթելով անկոտրում կամք և մեծ հաջողություններ ուսման մեջ:

«Սիրելի ուսանողներ,
Ընդունեք իմ ջերմ շնորհավորանքներն ու բարեմաղթանքները ուսանողների միջազգային օրվա կապակցությամբ:
Տարեցտարի ավելի ու ավելի է մեծանում ու կարևորվում ձեր դերն ու համախմբված մասնակցությունը երկրի քաղաքական ու հասարակական զարգացումներին:
Ուզում եմ շնորհակալությամբ նշել, որ ուսանողությունն իր ամենատարբեր նախաձեռնություններով ոչ միայն մասնակից է մայրաքաղաքում իրականացվող ծրագրերին ու միջոցառումներին, այլ նաև քաղաքացիական ակտիվ դիքորոշում ունի հասարական կյանքի տարբեր ասպարեզներում:
Այսօր դուք վստահորեն քայլում եք ժամանակին համընթաց, ունեք մեծ ներուժ՝ ձեր մասնագիտական կարողությունները ներդնելու և համարձակ ձգտումները կյանքի կոչելու համար:
Վստահ եմ, որ ձեր միասնականությունը, երիտասարդական ավյունն ու նվիրումը մշտապես ուղեկից կլինեն նպատակներին հասնելու ճանապարհին»,-ասված է ուղերձում: