Ձեր վստահելի աղբյուրը

ՎիվաՍել-ՄՏՍ ընկերությունը «Կրթական» հիմնադրամ ծրագրի շրջանակներում ամբողջությամբ վճարելու է հայաստանյան 20 բուհերի 200 ուսանողի ուսման վարձ: Այս մասին ասուլիսում հայտարարեց ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

«Կրթության վարձ կտրամադրվի ամենախոցելի ընտանիքներում ապրող երկու հարյուր երիտասարդի` ապահովելով նրանց բարձրագույն կրթությունը: Այս նախաձեռնությունն իրականացվում է` խոցելի խմբերում ընդգրկված երիտասարդներին մասնագիտական գիտելիքներ և հմտություններ տրամադրելու և այդ կերպ նաև` երկրում աղքատության մակարդակի նվազեցմանը նպաստելու նպատակով»,- ասաց նա` ընդծելով, որ իրենց համար կարևորը ոչ թե համալսարանն է, այլ հենց ուսանողը, որ հանգիստ ու առանց մտածելու, թե ինչպես պետք է վճարի վարձը, միայն ուսման մասին մտածի:

Նշենք, որ ընկերությունը ի հավելումն անցյալ տարի ընտրված 150 ուսանողների, ծրագրի շրջանակներում ամբողջությամբ կվճարի ևս 50 ուսանողի ուսաման վարձը: «Կրթական հիմնադրամ» ծրագիրն ընդգրկում է հատուկ կարիքներով ծնողազուրկ, հինգ և ավելի անդամներից կազմված սոցիալապես անապահով ընտանիքներում ապրող, հաշմանդամ ծնողներ ունեցող առաջին և երկրորդ կուրսի ուսանողների: Ընկերությունը մինչև ուսման ավարտը պատրաստ է աջակցել այդ ուսանողներին` ամբողջությամբ վճարելով նրանց ուսման վարձը:

Կրթական այս ծրագրի նպատակն է խոցելի խմբերում ընդգրկված այդ ուսանողներին կրթությունը հասանելի դարձնել` ուսումնական ամբողջ ժամանակահատվածում հատուցելով ուսման վարձը:

Գյումրիի Մանկավարժական համալսարանի ուսանողներից մեկն ասաց. «Ուրախալի է, որ ՎիվաՍել-ՄՏՍ-ը, բացի իր գործից, բարեգործություններ է կատարում, օգնում է այն ուսանողներին, ովքեր կարիք ունեն վարձավճարի, որպեսզի ավարտեն ինստիտուտներն ու կարողանան օգնել իրենց աշխատանքով մեր ազգին: Բոլորս էլ այդ օգնության կարիքն ունենք»: Միջոցառմանը ներկա ուսանողները շնորհակալություն հայտնեցին ՎիվաՍել-ՄՏՍ ընկերությանը` նման ծրագիր իրականացնելու ու իրենց` ուսումը շարունակելու հնարավորություն ընձեռելու համար, շնորհակալություն հայտնեցին, որ ընկերությունը կանգնած է ուսանողների կողքին:

Վանաձորի Պետական մանկավարաժական ինստիտուտի ներկայացուցիչը շնորկալություն հայտնեց` հոգատար վերաբերմունքի համար: Շնորհակալություն հայտնեցին նաև այլ դասախոսներ: Նրանցից մեկը նախ շնորհակալություն հայտնեց բարեգործության համար, ապա ասեց. «ՎիվաՍել-ՄՏՍ ընկերությունն անում է այն, ինչ պետք է աներ պետությունը»:
Իսկ Գավառի Պետական համալսարանի գիտխորհրդի որոշմամբ բարեգործական, մարդասիրական գործունեության համար Ռ. Յիրկյանին շնորհվեց Գավառի Պետական համալսարանի պատվավոր կոչում:

«Եթե ուզում եք հասնել հաջողության, պետք է շատ աշխատեք, մոռանաք նույնիսկ հանգստյան օրերի մասին, որպեսզի կարողանաք կառուցել ձեր ապագան, ձեր միջավայրի ապագան: Պետք է ձեր դասերը լավ սովորեք, անցնեք հաջորդ , որ ՎիվաՍել-ՄՏՍ-ը մնա ձեր կողքին»,-վերջում ասաց Ռ. Յրիկյանը: Նա նաև նշեց, որ եթե իրենց հնարավորությունները բավարաերի, հաջորդ տարի էլ կիրականացնեն ծրագիրը: Ռ. Յիրիկյանը միաժամանակ ասաց, որ կրթական ոլորտում իրականացվող ծրագրերն իրենց կողմից մշտապես աջակցության կարժանանան:

Միջոցառման ընթացքում խաղարկվեց նաև 15 նոութբուք համակարգիչ և մեկ «ՄՏՍ Կոնեկտ» մոդեմ` 6 ամսվա անվճար ինտերնետով: Ներկա ուսանողներին բաժանվեց նաև բացիկներ` ՎիվաՍել-ՄՏՍ ընկերության կողմից ամանորյա բարեմաղթանքով: