Ձեր վստահելի աղբյուրը

«Չելսիի» հարձակվող Ֆեռնանդո Տորրեսը հայտարարել է, որ «Լիվերպուլից» հեռացել է ակումբի ղեկավարության հետ ունեցած տարաձայնությունների պատճառով:
«Լիվերպուլի» երկրպագուները նույնիսկ չգիտեն այն պատճառների կեսը, որոնք ինձ ստիպեցին տեղափոխվել «Չելսի»,- Տորրեսի խոսքերը մեջբերել է «Daily Mail»-ը:- «Կարմիրների» ղեկավարությունն ինձ խոստումներ տվեց և չկատարեց դրանք: Ես չէի ուզում հեռանալ, սակայն հասկացա, որ ժամանակ չունեմ` լինելու այն նախագծի մասնիկը, որն իրականացվում է տարիների ընթացքում: «Լիվերպուլի» երկրպագուների դեմ ոչինչ չունեմ և չեմ հասկանում, թե ինչու են նրանք այդքան ատում ինձ»:
Հիշեցնենք, որ Տորրեսը «Լիվերպուլից» «Չելսի» է տեղափոխվել 2011 թ. սկզբին` 50 մլն ֆունտ ստեռլինգով` դառնալով Պրեմիեր լիգայի բոլոր ժամանակների ամենաթանկ ֆուտբոլիստը: Ընթացիկ մրցաշրջանում նա Անգլիայի առաջնությունում մասնակցել է 11 հանդիպման և խփել 2 գոլ: