Ձեր վստահելի աղբյուրը

Հայաստանի շախմատի 72-րդ առաջնության բարձրագույն խմբի մրցաշարի 6-րդ տուրում Հրանտ Մելքումյանը միավորը կիսեց Արման Փաշիկյանի հետ և 4 միավոր արդյունքով շարունակում է վստահորեն գլխավորել մրցաշարային աղյուսակը: Ռոբերտ Հովհաննիսյանը պարտության մատնեց Արտաշես Մինասյանին: Իր միավորների քանակը հասցնելով 3,5-ի` Հովհաննիսյանը հանգրվանեց մրցաշարային աղյուսակի երկրորդ հորիզոնականում և լրջորեն հավակնում է չեմպիոնական կոչմանը: Իր ակտիվում նույնքան միավոր ունի նաև Զավեն Անդրիասյանը, ում հաշվետու տուրում հաջողվեց առավելության հասնել Լևոն Բաբուջյանի նկատմամբ: Այս մասին տեղեկանում ենք Հայաստանի շախմատի ֆեդերացիայի պաշտոնական կայքից:

Կանանց 67-րդ առաջնության 6-րդ տուրում իր ցանկությամբ պայքարից դուրս եկավ Նելլի Աղինյանը: Նրա մասնակցությամբ պարտիաների արդյունքները չեղյալ հայտարարվեցին: Եվ թեպետ Մարիա Կուրսովան 6-րդ անընդմեջ հաղթանակը տոնեց, նրա միավորների քանակը մնաց նույնը` 5: Կուրսովային միավորների քանակով հավասարվեց Աննա Հայրապետյանը: Վերջինս պարտության մատնեց Լիա Մարտիրոսյանին: Լավագույն եռյակը եզրափակում է Եվգենյա Դոլուխանովան: Նա հաղթեց Հասմիկ Ղամբարյանին և այժմ իր ակտիվում 3,5 միավոր ունի:

Հայաստանի տղամարդկանց 72-րդ առաջնություն, 6-րդ տուր

Բաբուջյան Լևոն-Անդրիասյան Զավեն 0:1
Մելքումյան Հրանտ-Փաշիկյան Արման 0,5:0,5
Սիմոնյան Հրայր-Գրիգորյան Կարեն 0:1
Տեր-Սահակյան Սամվել-Գրիգորյան Ավետիք 0,5:0,5
Հովհաննիսյան Ռոբերտ-Մինասյան Արտաշես 1:0

Մրցաշարային աղյուսակը 6-րդ տուրից հետո

1. Հրանտ Մելքումյան-4 միավոր
2. Ռոբերտ Հովհաննիսյան-3,5
3. Զավեն Անդրիասյան-3,5
4. Տիգրան Լ. Պետրոսյան-3
5. Արտաշես Մինասյան-3
6. Սամվել Տեր-Սահակյան-2,5
7. Արման Փաշիկյան-2,5
8. Ավետիք Գրիգորյան-2,5
9. Հրայր Սիմոնյան-2
10. Կարեն Հ. Գրիգորյան-2
11. Լևոն Բաբուջյան-1,5

Հայաստանի կանանց 67-րդ առաջնություն, 6-րդ տուր

Գասպարյան Նարինե-Սարգսյան Շուշաննա 0,5:0,5
Մարտիրոսյան Լիա-Հայրապետյան Աննա 0:1
Ղամբարյան Հասմիկ-Դոլուխանովա Եվգենյա 0:1
Կուրսովա Մարիա-Խառատյան Անահիտ 1:0
Գևորգյան Մարիա-Աղաբեկյան Լիանա 1:0

Մրցաշարային աղյուսակը 6-րդ տուրից հետո

1. Աննա Հայրապետյան-5 միավոր
2. Մարիա Կուրսովա-5
3. Եվգենյա Դոլուխանովա-3,5
4. Շուշաննա Սարգսյան-3
5. Նարինե Գասպարյան-2,5
6. Լիանա Աղաբեկյան-2,5
7. Լիա Մարտիրոսյան-2,5
8. Անահիտ Խառատյան-2
9. Նաիրա Մովսիսյան-1,5
10. Հասմիկ Ղամբարյան-1,5
11. Մարիա Գևորգյան-1