Ցեղասպանությունը ճանաչած երկրների և Թուրքիայի միջև առևտրաշրջանառությունն աճել է

Տնտեսություն 12:35 09/02/2012

Ցեղասպանությունը ճանաչած երկրների և Թուրքիայի միջև առևտրաշրջանառությունն աճել է

Թուրքական լրատվամիջոցներում լայնորեն տարածվում է «Ցեղասպանության ճանաչումով աճում է առևտրաշրջանառությունը» վերտառությամբ մի հրապարակում, որտեղ տվյալներ են ներկայացվում, թե ինչպես է Թուրքիայի առևտրաշրջանառությունն աճել այն երկրների հետ, որոնք ընդունել են Հայոց ցեղասպանությունը:

Մասնավորապես «Haber3» թուրքական լրատվական կայքը, վկայակոչելով ANCA-ին (Ամերիկայի հայ ազգային կոմիտեի) և «OECD»-ի (ՏՀԶԿ Տնտեսական համագործակցության և զարգացման կազմակերպության) վիճակագրական տվյալները, ներկայացնում է առևտրատնտեսական հարաբերությունների զարգացման ցուցանիշները Ցեղասպանությունը ճանաչած երկրների ու Թուրքիայի միջև:

Ընդգծվում է այն փաստը, որ երբ ԱՄՆ նախագահ Ռոնալդ Ռեյգանը 1981-ին հայության կոտորածն անվանեց ցեղասպանություն, հենց այդ տարում ԱՄՆ-ի հետ Թուրքիայի առևտրաշրջանառության ծավալն աճեց 10 տոկոսով:

Ստորև ներկայացվում է Հայոց ցեղասպանության ճանաչման տարեգրությունը և առևտրատնտեսական ցուցանիշի աճը:

Պետություն	Ճանաչման տարեթիվ	Առևտրի ծավալի աճ
Բելիգիա	1998թ. մարտի 26	+ % 174
Կանադա	2004թ. ապրիլի 21	+ % 148
Ֆրանսիա	2001թ. հունվարի 29	+ % 257
Հունաստան	1996թ. ապրիլի 25	+ % 399
Իտալիա	2000թ. նոյեմբերի 17	+ % 126
Լիբանան	2000թ. մայիսի 11	+ % 126
Հոլանդիա	2004թ. դեկտեմբերի 21	+ % 66
Ռուսաստան	1995թ. ապրիլի 14	+ % 912
Սլովակիա	2004թ. նոյեմբերի 30	+ % 298
Շվեդիա	2000թ. մարտի 29	+ % 33
Շվեյցարիա	2003թ. դեկտեմբերի 13	+ % 6
Ուգանդա	2004թ. մարտի 26	+ % 85

Հիշեցնենք, որ երբ Ֆրանսիայի խորհրդարանի ստորին, ապա նաև վերին պալատներն ընդունեցին Ցեղասպանությունների հերքումը քրեականացնող օրինագիծը, թուրքական իշխանությունները հանդես եկան սպառնալիքների տարափով: Անկարան Ֆրանսիայի դեմ մի շարք պատժամիջոցներ կիրառելու վճռականություն հայտնեց, իսկ վարչապետ Էրդողանը նույնիսկ հրապարակեց ֆրանսիացիների դեմ կիրառվելիք 8 կետից բաղկացած պատժամիջոցների ցանկը:

Նախորդող նորությունները` http://www.panorama.am/am/world/2011/12/23/erdoghan/
http://www.panorama.am/am/region/2012/01/24/turkey-france/?sw

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: