Ձեր վստահելի աղբյուրը

Հեղինե Բիշարյանը հեգնական ծիծաղով արձագանքեց մամուլի այն հրապարակմանը, ըստ որի՝ ՕԵԿ երկու փոխնախագահների` Մհեր Շագհելդյանի և Հեղինե Բիշարյանի միջև լուրջ հակասություններ կան` կապված հիմնականում համամասնական ընտրացուցակի հետ: Մեր այն հարցին, թե իսկապես Մհեր Շահգելդյանի և Հեղինա Բիշարյանի հարաբերությունները լարված են, և ինչու՞ է նա Բիշարյանին մեղավոր համարում, վերջինս պատասխանեց.
«Ո՞վ է այն բացիլը, որ գտնվել է Մհեր Շահգելդյանի սրտում և զգացել է թե ինչպես է Մհեր Շահգելդյանը նեղսրտում, որ ՕԵկ ցուցակում չի զբաղեցրել առաջին երեք հորիզոնականը»:

-Ստացվում է՝ Դուք, այնուամենայնիվ, հաստատում եք, որ Մհեր Շահգելդյանը նեղսրտում է:

- Ոչ, ընդհակառակը, չեմ հաստատում: Ինչպես կարող են մարդու ներքին աշխարհը ներկայացնել՝ առանց իմանալու, առանց շփվելու, առանց զգալու` Մհեր Շահգելդյանը նեղսրտե՞լ է, թե՞ ոչ: Իհարկե, չի նեղսրտել, իհարկե, նման խնդիր չկա: Ոչ Մհեր Շահհգելդյանի համար, ոչ ինձ ու ոչ էլ որևէ մեկի համար:
Մեր կուսակցությունում նման բաներ չի լինում: Մենք քննարկում ենք՝ քննարկման արդյունքում ենք որոշում կայացնում: Այնպես որ, Մհեր Շահգելդյանը, լինելով քաղաքական խորհրդի անդամ, կուսակցության փոխնախագահ, մասնակցել է այդ որոշմանը և կողմ է քվեարկել:

- Տիկին Բիշարյան, Մհեր Շահեգլդյանը, երբ ԱԻ նախարարի պորտֆելը վայր դրեց, ՕԵԿ առաջնորդ Արթուր Բաղդասարյանը փաստը հիմնավորեց այսպես.« Մհեր Շահգելդյանը կանցնի կուսակցաշինական ակտիվ գործունեության»: Այդ օրվանից գրեթե երկու տարի անց ինչպե՞ս եք գնահատում Մհեր Շահգելդյանի իրականացրած կուսակցաշինական աշխատանքները:

-Գնահատում եմ լավ: Ւնքն աշխատում էր կուսակցությունում քաղաքական մասով և շատ ակտիվ աշխատում էր և ինչպես տեսնում եք ԵԺԿ մեր անդամագրման ժամանակ մասնակցում էր Մհեր Շահգելդյանը: Էնպես որ` ինքն իր գործն ու առաքելությունը ՕԵԿ-ում շատ լավ կատարում է, մենք գոհ ենք Մհեր Շահգելդյանից և որևէ խնդիր Շահգելդյանի և կուսակցության որոշումների մեջ չկա: Ի վերջո` ինքն է որոշում կայացողներից, դրան կողմ կամ դեմ քվեարկողներից մեկը:

-Մհեր Շահգելդյանն` ի տարբերություն Ձեզ՝ ՕԵԿ հնաբանկներից է, և ձեր փոխհարաբերություների հիմքում, ասում են, ոչ միայն ցուցակի պատվավոր տեղերի՝ այլև Ձեզ ՕԵԿ շտաբի պետ նշանակելու հարցն է, ինչը Մհեր Շահգելդյանին վիրավորել է:

-Շատ ծիծաղելի բան եք ասում, որովհետև նախագահական նախորդ ընտրություններին շտաբի պետը դարձյալ ես էի և արդեն իսկ իմ ձեռք բերված փորձը հնարավորություն է տվել քաղխորհրդին նորից որոշում կայացնելու, որ շտաբի պետը լինեմ ես: Խնդիրր չկա, Մհեր Շահգելդյանի հետ միասին մեկս կլինի կազմակերպչական, մյուսս՝ քաղաքական մասով:

Պարոն Շահգելդյանը իր գործն է անում, ես իմ գործը: Իսկ ինչ մնում է հնաբնակ լինելուն, ես պետք է ասեմ, որ ներքևի բոլոր համարների մեջ, ինչի Հովհաննես Մարգարյանը հնաբնակ չէ՞, Խաչիկ Հարությունյանը հնաբնակ չէ՞, Իշխան Խաչատրյանը հնաբնակ չէ՞: Էդպիսի խնդիր չի դրվել: Ուզում եմ ասել, որ այդ ցուցակի մյուս տեղերում գտնվող մեր գործընկերները նույպես հնաբնակներ են: Էնպես որ, որևէ խնդիր չկա, որ ցուցակի որ մասում քանի տարվա կուսակցական պետք է լինի, կուսակցությունն ինքը մարմինն է և անընդհատ միանում են նոր մարդիկ:

Կլինեն նոր դեմքեր, նոր մարդիկ: Էնպես որ կուսակցության որևէ անդամ ո´չ նեղացած է, ո´չ էլ էդպիսի խնդիրներ կան: Պարզապես նախընտրական շրջան է և որոշ բացիլներ բացասական տրամադրություններ են փորձում էդպես չեղած տեղից հանել և տարածել: Պետք է ընդունենք, որ նախտընտրական շրջան է և թեթև վերաբերվենք նման ինֆորմացիաներին:

-Կիսու՞մ եք այն տեսակետը, թե ՕԵԿ հիմնադիրներից մեկը համարվող Մհեր Շահգելդյանի կուսակցաշինական գործունեության գնահատականն է վերջինիս ՕԵԿ ցուցակում պատվավոր եռյակում չընդգրկելը և ՕԵԿ շտաբի պետ չնշանակելը, ինչ կասեիք:

-Ոչ, ես դա տրամաբանական չեմ համարում:
Մենք նրանից դժգոհ չենք: Ուղղակի ես կարծում եմ, որ դա ընդամենը բամբասանքներ են կապված պարոն Շահգելդյանի հետ:

-Ձեր վերջին ասուլիսում հայտարարել էիք, թե ՕԵԿ համամասնական ցուցակում գնացած հետ եկածներ չեն լինելու: Այսօր էլ ե՞ք մնում այդ կարծիքին:

- Իմ ասուլիսի ժամանակ «գնացած հետ եկածների» ընդհանրապես ոչ հարց է եղել, ոչ պատասխան: Բայց ես բացառում եմ, որ այդ մարդիկ կհամալրեն ՕԵԿ շարքեր համալրելը:

Հիշեցնենք, որ Panorama.am-ի թղթակցի հետ զրույցում «Օրինաց երկիր» կուսակցության փոխնախագահ Մհեր Շահգելդյանը` մեկնաբանելով մամուլի այդ  տեղեկությունը ասել էր. «Իմ և Հեղինե Բիշարյանի միջև ոչ մի տարաձայնություն չկա և չի էլ կարող լինել»: Դա բացարձակապես չի համապատասխանում իրականությանը:

Նշենք նաև, որ օրերս ՕԵԿ- ը պաշտոնապես հայտարարեց, որ կուսակցության համամասնական ցուցակի առաջին երեք տեղերում կլինեն Արթուր Բաղդասարյանը, Հեղինե Բիշարյանն ու նախարար դառնալոց օր առաջ ՕԵԿ-ական դարձած Արմեն Երիցյանը: