Ձեր վստահելի աղբյուրը

Ռազմական ոստիկանության նախկին աշխատակից, ոստիկանապետի նախկին օգնական Գրիշա Սարգսյանը, ով հանրությանն առավելապես հայտնի է «Ժարիտ Գրիշ» մականունով, մտադիր է պատգամավոր դառնալ, իսկ ընտրություններում ուժերը չափելու է մեծամասնական ընտրակարգով:

-Պարոն Սարգսյան, տեղեկություններ կան, որ Դուք էլ եք մտադիր առաջադրվել որպես պատգամավորության թեկնածու: Ճի՞շտ է:

-Այո, մտադրված ենք ու ոչ միայն ես: Մեծամսանականով տարբեր տեղերում կառաջադրվենք 5-6 ազատամարտիկներ, որոնք մատուցած մեծ ծառայություն ունեն հայրենիքին ու ռազմաճակատին: Մենք ուզում ենք գնանք խորհրդարան, որ մեր մասին մտածենք, թե չէ ազատամարտիկի մասին մտածող չկա: Մենք փառապանծ ազատամարտիկներ ենք՝ ազատամարտի 18 ՀԿ-ների միություն, ու հզոր մեծ ուժ ունենք:
Նախապատրաստվում ենք համալիրում հրավիրած միլիցիայի հատուկ ջոկատի վետերանների համագումարին, որի ժամանակ կհայտարարենք ընտրություններին գնալու մեր դիրքորոշումը, քանի որ Հայաստանը գնալով մտել ա նախընտրական հորձանուտ:

-Ո՞ր ընտրատարածքում եք Դուք առաջադրվելու:

-Ես կառաջադրվեմ Գեղարքունիքի մարզում` թիվ 24 ընտրատարածքում: Այսնիքն` իմ հայրենիք Մարտունիում, ու միանշանակ հաղթական ա լնելու:

-Փաստորեն Ձեր թեկանծությունը դնում եք ՀՀԿ-ական թեկնածու Հակոբ Հակոբյանի դեմ: Իսկ ո՞ր ուժն է Ձեզ սատարելու:

-Սատարելու եմ ես ու իմ ազատամարտիկ ընկերները:

-Ժամանակին տեղեկություն կար, որ փորձում եք մերձենալ ԲՀԿ-ի հետ: Ինչ-որ բան ստացվե՞ց:

-Մերձենալ մենք երբեք չենք ցանկացել: Բոլորը փորձում են մեձենալ մեզ, բայց մենք երբեք մերձենալ չենք ցանկացել: Մենք մեր դիրքորոշումը կարտահայտենք մեր համագումարում:

-Բայց Դուք նախկինում ակնհայտորեն ձգտում էիք դրան, անգամ Դուք հարցազրույցներից մեկում անկեղծորեն խոսել էիք այդ մասին, իսկ ձեր ՀԿ-ի անդամներից շատերը հայտարարել էին, որ Դուք միայնակ եք որոշում կայացնում՝ առանց իրենց կարծիքի հետ հաշվի նստելու:

-Ուրեմն ասեմ` ես տվյալ մարդկանց արտաքսել եմ մեր միությունից, որ դեզինֆորմացիա էին տարածել վերևներում, թե Սարգսյան Գրիշը մտնում ա Բարգավաճ: Եթե Սարգսյան Գրիշը ցանկություն ունենա մտնելԲարգավաճ, ուղիղ 5 րոպե իմ ասելուց առաջ Բարգավաճը գրկաբաց վազելով ասելու ա` Սարգսյան Գրիշ, արի մեր շարքերը համալրի: Էդքան բան:

-Այսինքն ԲՀԿ-ն գրկաբաց ընդունում էր, Դուք չգնացի՞ք:

-Եթե ես փորձ անեմ, իմ մտածելուց հինգ րոպե շուտ Բարգավաճը ինձ «բեզ պիծիմինուտ» գրկաբաց կընդունի, դա անհերքելի ա: Եթե ես ուզենամ անդամակցեմ իրանց, իրանք գիշերը կգան մեր տուն կասեն, շուտ արա ցավդ տանեմ: Դե ասում եմ էլի, ես նման մտահղացում չեմ ունեցել, իրենց հետ բանակցություների մեջ չեմ մտել ու ոչ էլ դրա կարիքն ունեցել եմ: Դա դեզ-ին-ֆոր-մա-ցիա-յա:

-Այդ դեպքում ինչու չշրջանառվեց ասենք ՀՀԿ-ին, ՀՅԴ-ին, ՀԱԿ-ին կամ մի ուրիշ կուսակցության անդամագրվելը, խոսվեց միայն ԲՀԿ-ի մասին:

-Որովհետև մի օր հարց տվին, ես ասի` Գագիկ Ծառուկյանը իմ ընկերն ա: Այո, իմ ընկերն ա, էսօր էլ եմ փաստոււմ: Նա օգնել ա ազատամարտիկներին բազմաթիվ անգամ: Գիտեք ինչ, եթե իմ ընկերն ա ինքը, ասեմ իմ ընկերը չի՞: Չի կարա տենց բան ըլնի, բայց ես իրա կուսակցությունից ֆինանսական ոչ մի կախում չունեմ: Էտի մուտիլովկա ա, մեծ խաղեր ա, իշխանության լծակներով կան մուտիլովչիկներ, որ սուպերմուտիլովչիկ են ու նախագահին դեզինֆորմացիա են հասցնում պարբերաբար:

Մարդիկ, ովքեր էդ ինֆորմացիան տարածում էին վերևները, որ ոմանց համար դառնային ծանրակշիռ մարդ, դրա համար էլ ես արտաքսեցի իրանց, հանեցի միությունից նաև մեր փոխնախագահին: Դուք լավ էլ գիտեք` ում մասին է խոսքը:

-Ինչո՞ւ էին նման բան անում, ու՞մ էր ձեռնտու:

-Այ աբրես, ուզում էին երևի ինձ ցավացնեին: Ուզում էին հեղինակազրկեին, ուզում էին ինչ որ մեկի աչքից ինձ քցեին: Ես խի՞ չդարձա Հանրապետականի անդամ, 2008-ին օգնել եմ Սերժ Սարգսյանին, չէ՞: Ես այսօր էլ չեմ ուզում կուսակցական պատկանելություն, դա կլինի Բարգավաճ, Հանրապետական թե գիտահետազոտական, ՀՀՇ, ՊՊՇ: Թեկուզ եթե ընտրություններին Բարգավաճին օգնեմ, բայց ես կուսակցական չեմ դառնա երբեք: Վանո Սիրադեղայանն էլ էր ուզում ՀՀՇ մտնեի, բայց ես հրաժարվել եմ, իմ կշիռը պահել եմ:

-Ինչպես կարձագանքեք հնչող այն տեսակետներին, որ Ալիկ Սարգսյանից հետո ոստիկանական համակարգ կրկին վերադառնալու Ձեր հույսը մարել է և դրա համար եք պատգամավոր դառնալու հայտ ներկայացնում:

-Մինչև Վլադիմիր Գասպարյանի նշանակվելը 6 ամիս առաջ Ալիկ Սարգսյանի օգնականն էի, բայց իր հետ տարաձայնությունների պատճառով ժամանակից 10 տարի շուտ գնացի թոշակի:
Ես ՀՀ քաղաքացի եմ, ունեմ հայրենիքիս մատուցած մեծ ծառայություն, իրավաբանական գիտությունների դոկտոր-պրոֆեսոր եմ, պատվավոր, և իրավունք ունեմ հանրապետությունում կլյուչեվոյ պաշտոն զբաղեցնելու: Բա իմ երեխաներին ով պիտի պահի, եթե ես չաշխատեմ: Ես ուզբե՞կ եմ, եկել եմ Հայաստան աշխատանք եմ ուզում, ինձ գործ չեն տալի: Եթե որոշ մարդիկ էսօր պաշտոն են զբաղեցնում, ես իրավունք ունեմ իրանցից հարուր գլուխ բարձր պաշտոն զբաղեցնեմ: Բա պարտավոր են, էդ պաշտոնը իրանց հոր տնից չեն բերել, ոչ էլ իրանց հոր սեփականություն ա, հասկացա՞ր: Ես պոտենցիալ ունեմ էս երկիրը ծաղկցնելու, հասկացա՞ր: Կարո՞ղ ա ես անգրագետ եմ, պաշտոն եմ ուզում, ընձի չեն տալիս: Ես վաղը, մյուս օրը զբաղեցնելու եմ էդ պաշտոնը: Ուզում ես սենց ըլնի, նենց լնի… Խի՞ չեմ ուզում: Իրանից հարուր գլուխ բարձր եմ ուզում ու պտի տան, այո ես էս ազգի զինվորն եմ եղել, հասկացա՞ր: Պաշտոնն իմ հասանելիքն ա, ու այո, պտի տային, բայց մի բան էլ ուշացրել են:
Ուզում եմ, որ ինձ գնահատեն: Ես կոստյում թափ տվող տղա չեմ, ոչ էլ քամելեոն եմ ու ոչ էլ օճառ եմ օգտագործում: Ես ճիշտ տղա եմ, ազգիս զինվոր տղա եմ, պետականությանս զինվորն եմ:

-Ասացիք, որ զբաղմունք չունեք, ենթադրվում է, որ ընթացիկ եկամուտն էլ միայն թոշակն է: Այդ դեպքում` նախընտրական քարոզարշավի ծախսատար բեռի տակից ո՞նց եք պատրաստվում դուրս գալ:

-Ազատամարտիկները կօգնեն, մի քիչ էլ դու կօգնես, ինչ ա եղել:

-Ձեր մրցակիցը հավանաբար Հակոբ Հակոբյանն է լինելու, ով ընտրություններում հաղթելու մեծ փորձ ունի ու նաև լուրջ ռեսուրսների է տիրապետում: Ինչպե՞ս եք պատրաստվում հաղթել նրան:

-Կոնկրետ Հակոբ Հակոբյանը Մարտունու տարածաշրջանի սոցիալական վիճակի բարելավման համար ոչ մի ծրագիր չի իրականացրել 13 տարի շարունակ: Մարտունու բնակիչները հոգնել են էդ դեմքերից ու իրանց սուտ խոսքերից: Նրանց պետք ա մարդ, ով կմտածի այդ տարածաշրջանի մասին, որ մարդիկ չթողնեն իրանց ընտանիքները ու տարիներով գնան արտագնա աշխատանքի, մնան տեղում աշխատեն:

-Ուզում եք ասել, որ պատգամավորի պատճառո՞վ են մարդիկ թողնում հեռանում:

-Ոչ: Գյուղացու բոլոր խնդիրները բարձրացնելու և հետևողականորեն լուծում փնտրելու համար է պատգամավորը:
Ես Հակոբ Հակոբյանի հետ ոչ մի խնդիր չունեմ: Ասեմ քեզ` վատ էլ հարաբերությունների մեջ չեմ: Որպես մարտունեցի, ես իրան սիրում ու հարգում եմ: Ոչ վրեժխնդիր ունեմ, ոչ հարց եմ ունեցել իրա հետ, ոչ մի բան, աբսալյուտնա: Դե հիմա քաղաքական պայքար ա, ես էլ հայտ եմ ներկայացնում, որ մրցակցեմ իրա հետ: Կպայքարեմ` դա կլինի Հակոբ Հակոբյանի փողերի հետ, դա կլինի Հանրապետական կուսակցության փողերի հետ, որպես ազգիս սիրված զավակ միանշանակ հաղթելու եմ: Նախագահը մեր գերագույն հրամանատարն ա, մարտական ուղի անցած տղա ա, գնահատում ա մեր անցած ճանապարհը:
Իմացի, որ ես առաջադրվեմ, 999 %-ով հաղթանակած դուրս եմ գալու պայքարի մեջիվ, որովհետև բոլոր սապեռնիկները, ոչ մեկն էլ դեր չի խաղալու ազատամարտիկի դեմ: Ազատամարտիկները ինչպես հաղթել են ռազմաճակատում, այնպես էլ ընտրապայքարում կհաղթեն, արխային:

-Ընտրվելու պարագայում, ինչպե՞ս եք պատկերացնում Ձեր աշխատանքը:

-ԱԺ-ում հարյուր հոգով հավաքվում են, երեք ամսում չեն կարում մի հատ օրենքի տառով բան գրեն: Իսկ ես իմ ուժերով, ուսումնասիրել եմ 8 պետության փորձը, ծաղկաքաղ եմ արել ու մեր օրենքին համահունչ օրենքի նախագիծ եմ մշակել Ազատամարտիկի մասին, ուղարկել եմ ԱԺ: Եվ չեն քննարկել, իրանց անելու բան չենք թողել, ծամել ենք դրել ենք բերանները:
Երբ, որ ես օրենքով սահմանված կարգով գրանցվեմ արդեն, կներկայացնեմ իմ նախընտրական պլատֆորմը, դուք էլ լայնածավալ կանցնեք էդ գործողություններին: