Ձեր վստահելի աղբյուրը

Ռազմական համագործակցությունը աշխարհի առաջատար երկրների հետ, ինչպես արդեն առիթ ունեցել ենք նշել, կարևորագույն խնդիր է ցանկացած երկրի անվտանգության ապահովման համար: Այն երկրների համար որոնք այսօր գտնվում են պատերազմի, թեկուզ ոչ ակտիվ մարտական գործողությունների մեջ, նման համագործակցությունն ավելի կենսական նշանակություն ունի: Ռազմական բարեփոխումների ներկայիս փուլում մեզ համար ևս շատ կարևոր է նման համագործակցությունը նորանոր գործընկերների հետ:

Նման երկրներից են նախ և առաջ ասիական տարածաշրջանի այն երկրները որոնք տենդագին զարգացնում են իրենց ռազմարդյունաբերական համալիրը և հզորացնում են իրենց բանակը: Նշենք որ արևմտյան շատ երկրներ այս առումով հետընթաց ունեն: Այս երկրների մեջ Հարավային Կորեան զբաղեցնում է առանցքային տեղ: Հարավային Կորեայի ռազմական ներուժը սկսած կորեական պատերազմի ավարտից շեշտակի աճել է ու աճում է: Երկրի զինված ուժերը մշտապես ներգրավված են տարբեր պատերազմների և սահմափակ մարտական գործողությունների մեջ, այսինքն ունեն մշտական մարտական փորձ և տարեցտարի ձեռք են բերում ռազմական ինքնուրույնություն, զարգացնում են հզոր ռազմաարդյունաբերական համալիր:

Բանակի թվաքանակը կազմում է մոտ 700 հազար, որից միայն 560 հազարը ծառայում են ցամաքային զորքերում, որի սպառազինության մեջ են գտնվում մետ 2000 միավոր ամենաժամանակակից հրասայլեր, գրեթե նույնքան այլ մարտական մեքենաներ, ավելի քան 4500 միավոր հրետանային միջոցներ, որից մոտ 1000-ը ինքնագնաց: Հատուկ շեշտենք որ ինքնագնաց հրետանու որակը և քանակը բացառիկ է, նման հարաբերակցություն չունի անգամ չինական բանակը: Բանակը ունի հագեցած և գերժամանակակից հրթիռահրետանային միջոցներ: Հզոր են նաև Կորեական ռազմաօդային ուժերը որոնք զինված են ժամանակակից ամերիկյան կործանիչներով, դրանք իրենց հզորությամբ գրեթե չեն զիջում Ճոպանականին, գերազանցում են Հյուսիսային Կորեայինը և մրցում են Չինականի հետ: Մասնավորապես բարձր է դրանց կազմակարպվածությունը և տեխնիկական հագեցավծությունը: Դա են ապացուցում բազմակի զորավարժությունները:

Վերջին տարիներին հատկապես զարգանում է Կորեական ռազմաարդյունաբերական համալիրը: Հիմնականում էլեկտրաարդյունաբերության և մեքենաշինության ոլորտի հսկաները որոնք արդեն հայտնի են ողջ աշխարհում մտնում են նաև ռազմական արդյունաբերության ոլորտ: Արդեն լավ հայտնի են Samsung Aerospace Industry, Hyundai Heavy Industries Corp. և այլ ընկերությունները, որոնք ստեղծվում են սեփական արտադրության ուսումնամարտական ինքնաթիռներ, հրասայլեր, հրետանային համակարգեր և այլն: Այս արտադրատեսակները լայնորեն ինտեգրված են ամերիկյան հսկաների հետ: Կորական արտադրության զինտեխնիկան և ռազմական արտադրանքները տարեցտարի նոր շուկաներ են գրավում:

1999թ. Կորեան արտահանել է ավելի քան 190 մլն. դոլարի սպառազինություն: Դրանց ծավալները տարեցտարի աճում են մեծ տեմպերով: Հատկապես հետաքրքիր է կորեական արտադրության K2 հրասայլերի ծրագիրը, ճիշտ է այն ստեղծված է ամերիկյան հիմնական հրասայլի հիման վրա, սակայն համարվում է այդ ոլորտի լավագույն մեքենաներից մեկը: Ի դեպ հենց այս մեքենայի հիման վրա է ստեղծվում թուրքական հիմնական “Ալթայ” հրասայլը: Ձեռքբերումների օրինակները շատ են ու բազմազան:

Հարավային Կորեան ռազմական համագործակցության լայն սպեկտրով հետաքրքիր ու արժեքավոր գործընկեր է, որի հետ համագործակցության հիմքերը արդեն դրված են, մնում է այն զարգացնել:

Նախորդող նորությունը`Փորձագետ. Չինական WM-80 հրթիռային հեռահար համալիրը առաջին անգամ առաքվել է ՀՀ

Ռազմական փորձագետ ԱՐԾՐՈՒՆ ՀՈՎՀԱՆՆԻՍՅԱՆ