Ձեր վստահելի աղբյուրը

Հայաստանի առաջին նախագահ Լևոն Տեր-Պետրոսյանը պատկանում է մարդկանց շիզոիդ տիպին, որոնց մոտ ավելի զարգացած է գիտական միտքը, ստեղծագործող են:

Հայաստանի երկրորդ նախագահ Ռոբերտ Քոչարյանը պատկանում է մարդկանց էպիլեպտոիդ տիպին` կազմակերպակատարողական, որոնց մոտ ուժեղ է կազմակերպչական ջիղը, օրենքների նկատմամբ հակումը:

Ասուլիսում այս մասին ասաց Մանկավարժական համալսարանի հոգեբանության ամբիոնի վարիչ Սամվել Խուդոյանը:

«Կա օրինաչափություն, որի մասին գրվել են նաև գիտական աշխատանքներ. երբ լինում են հեղաշրջումներ, հայտնվում են ավելի ստեղծագործող մարդիկ, որոնց մոտ զարգացած է ուղեղը, նրանց հաջորդում են այնպիսի մարդիկ, որոնց մոտ զարգացած է ոսկրամկանային համակարգը, զարգացած է կամք»,- ասաց նա` օրինակ բերելով Լենինին, որին հաջորդեց Ստալինը:

Հոգեբանի խոսքով, սովորաբար, երբ երկրում իրավիճակը շատ վատ է, հասնում է հեղաշրջման պահը, ժողովուրդը ենթագիտակցորեն ընտրում է նրան, ով կարող է երկիրը հանել այդ վիճակից:

«Երրորդ տիպն այդ երկու տիպերի միջինն է, այսինքն` Հայաստանի երրորդ նախագահ Սերժ Սարգսյանի մոտ հավասարաչափ բաշխված է այդ երկու տիպերը»,- ասաց Ս. Խուդոյանը: