Ձեր վստահելի աղբյուրը

«Ընդդեմ իրավական կամայականության» հասարակական կազմակերպությունը ապրիլի 10-ին կազմակերպում է «Մարաղա-20 տարի անց» խորագրով ԼՂՀ Մարաղա գյուղում Ադրբեջանի կողմից իրականացված ցեղասպանության քսանամյակի տարելիցին նվիրված միջոցառում, որի ընթացքում որպես բանախոսներ հանդես կգան ՀԿ գործադիր տնօրեն Լարիսա Ալավերդյանը,  Հայ-սլավոնական համալսարանի քաղաքական գործընթացների ամբիոնի վարիչ Հովհաննես Նիկողոսյանը: Դեպքերի մասին իրենց հիշողություները կներկայացնեն ականատեսները:

ՀԿ տեղեկացմամբ, միջոցառման նպատակն է հիշատակել ոչ միայն Ադրբեջանի կողմից խաղաղ բնաչության դեմ իրականցված հանցագործության զոհերին, այլև նպաստել մարդկության դեմ ուղղված նման հանագործությունների հետագա կանխարգելմանը ողջ աշխարհում:

Միջոցառման ընթացքում կցուցադրվի «Սովորական ցեղասպանություն. Մարաղա, 10 ապրիլի 1992թ.» ֆիլմը, որը նկարահանվել է ՀՀ նախագահի աշխատակազմի հանրային կապերի և տեղեկատվության կենտրոնի կողմից:

Ֆիլմում ներառված են բազմաթիվ փաստագրական նյութեր, այդ թվում նաև փաստեր, որոնք հավաքագրվել են «Ընդդեմ իրավական կամայականության» ՀԿ-ի կողմից: Իրականացված ոճրագործության առաջին իսկ ժամերից կազմակերպությունը նախաձեռնել է այդ ողբերգության մասին տեղեկութոյւնների հավաքագրումն ու տարածումը:

Ըստ աղբյուրի, մեծ է կազմակերպության դերը պատանդության մեջ հայտնված անձանց տվյալների ճշգրտման և որոնողական աշխատանքներում: Պատանդներին հայրենիք վերադարձնելուն ուղղված կազմակերպության ջանքերի և այլ կազմակերպությունների հետ համագործակցության շնորհիվ 1992-1998թթ. վերադարձվել են մոտ 2000 անձինք, որոնցից 20-ը երեխաններ: