Ձեր վստահելի աղբյուրը

Նախնական տվյալների համաձայն, միասնական և կենտրոնացված քննություններին մասնակցելու դիմում- հայտ են ներկայացրել 18 հազար 100 դիմորդ, որը 2010 թվականի համեմատ աճել է (17 հազար 500): Այս մասին Panorama.am-ի հետ զրույցում ասաց Հայաստանի կառավարության աշխատակազմի Գնահատման և թեստավորման կենտրոնի (ԳԹԿ) մամուլի խոսնակ Գայանե Մանուկյանը` հիշեցնելքով, որ 2011-ին ընդունելության քննություններ հանձնել են միայն նախորդ տարիների շրջանավատները:
 
Նա նաև հայտնեց, որ ավելացել են դիմորդներ Արցախից, սահմանային մարզերից` Տավուշ, Սյունիք: Գ. Մանուկյանը նշեց, որ այս տարի նախապատվությունը ավելի շատ տրվել է քիմիա, կենսաբանություն առարկաներին, նվազել է ֆիզիկա, հայոց պատմություն, մաթեմատիկա հանձնողների թիվը:

Գ. Մանուկյանը տեղեկացրեց, որ ԳԹԿ-ն մարտի 15-ին ավարտվել է միասնական և կենտրոնացված քննությունների հայտագրման գործընթացը և այժմ ընթանում է տվյալների բազավորման ու ճշգրտման փուլը։ Դիմորդներն իրենց հայտերում կարող են փոփոխությունները կատարել մինչև ապրիլի 10-ը։