Ռ. Թովմասյան. Դ. Հարությունյանը շատ ճիշտ շարադրել է բոլորիս հուզող մտքերը
«Դավիթ Հարությունյանը շատ ճիշտ շարադրել է այն մտքերը, ինչը որ հուզում է բոլորիս»,-անդրադառնալով Դավիթ Հարությունյանի կողմից առաջարկված «Ընտրությունների պատշաճ անցկացման քաղաքակիրթ մրցակցություն ապահովող կանոնների» նախագծի առաջարկին, այս մասին Panorama.am-ի հետ զրույցում նշեց «Հայաստանի Կոմունիստական կուսակցության» նախագահ Ռուբեն Թովմասյանը:
«Ես գտնում եմ, որ Դավիթ Հարությունյանը շատ ճիշտ շարադրել է այն մտքերը ինչը որ հուզում է բոլորիս: Սակայն սա չի խանգարում մեզ, որ մենք ընդդիմադիր ուժերի հետ միասին, հենց ընտրատեղամասում ստուգենք, տեսնենք բոլոր խախտումները: Այնպես որ, մենք ակտիվ աշխատելու ենք բոլորի հետ՝ թույլ չտալով, որ կեղծիքներ լինեն»:
Անդրադառնալով Քաղաքագետների միությունում կազմակերպված քննարկման արդյունքում ԲՀԿ-ի, ՀԱԿ-ի, ՀՅԴ-ի և «Ժառանգության» կողմից ստորագրված հայտարարությանը, որով առաջարկվում է ստեղծել ընտրությունների վերահսկման միասնական շտաբ, Ռուբեն Թովմասյանը նշեց. «Մինչև Դավիթ Հարությունյանի հայտարարությամբ հանդես գալը, ես արդեն հայտնել էի այդ 4-ի ստորագրությունների մասին իմ վերաբերմունքը: Ինչ է ստացվում. այդ 4 կուսակցությունները հավաքվել են և, կարծես թե, նրանք ամբողջ հանրապետության քաղաքական դաշտի գիտակներն են, և իրենք, որ ստորագրել են, մյուսները պարտավոր են մոտենալ և ստորագրել այդ փաստաթուղթը: Դա էլ հայտնի չի, թե իրենք ներկա կլինեն, թե փաստաթուղթը իրենց քարտուղարուհու մոտ կլինի»:
«Կոպիտ սխալ է տեղի ունեցել: Փոխանակ նախօրոք բոլոր կուսակցություններին ուղարկեին փաստաթուղթը, որպեսզի ծանոթանայինք, կարդայինք, մեր առաջարկությունները, համաձայնությունները և անհամաձայնությունները այդ բոլորը նշեինք, գնայինք մասնակցեինք՝ համատեղ ստորագրեինք կամ մերժեինք: Մենք այսօր ԱԺ նախագահի ստորագրությամբ հրավեր ենք ստացել, որին մասնակցում է մեր կենտրոնական կոմիտեի քարտուղարը: Մենք այդ 4 կուսակցությունների կողմից հրավեր չէինք էլ ստացել: Նրանք կարծում են, որ եթե իրենք ստորագրեցին, մյուսները պետք է, որ ստորագրեն, այսինքն` կարգադրական տոն էր դա»,- հավելեց Ռ. Թովմասյանը:
Նախորդող լուրերը` Ռ. Բախշյան. ՀԴԿ-ն համաձայն է Դ. Հարությունյանի նախաձեռնությանը
Դ. Հարությունյանը ՀՀԿ անունից առաջարկում է, ընտրական գործընթացի բոլոր մասնակիցները քննարկեն իրենց մշակած կանոնների նախագիծը
Լրահոս
Տեսանյութեր
Պիպոյանը՝ Պապոյանին. Մեզ համար պարենային անվտանգությո՞ւնն ու ազգային անվտանգությո՞ւնն են կարևոր, թե՞ ինքնարժեքը