Ձեր վստահելի աղբյուրը

Ադրբեջանի Հանրապետությունը չպետք է թույլ տա, որ Իսրայելի հատուկ ծառայությունները զբաղվեն հակաիրանական գործունեությամբ:
Այդ մասին իրանական “Ջահաննյուզ.քոմ” կայքի հաղորդմամբ՝ հայտարարել է ԻԻՀ Մեջլիսի ազգային անվտանգության և արտաքին քաղաքականության հարցերով հանձնաժողովի փոխնախագահ Էսմայիլ Քոուսարին:

«Առկա փաստերը վկայում են, որ “Մոսսադի” գործակալններն ներթափանցում են Ադրբեջանի Հանրապետություն և Իրաքյան Քուրդիստան, որտեղից էլ իրականացնում են հակաիրանական գործունեություն: Մենք առայժմ դիվանագիտական ճանապարհով հորդորում ենք, որպեսզի վերոնշյալ երկրները կանխարգելեն Իսրայելի հատուկ ծառայությունների գործունեությունը»,-նշել իրանցի խորհրդարանականը:

Նկատենք, որ օրերս Ադրբեջանում Իրանի դեսպան Մոհամմադ Բաղեր Բահրամին, անդրադառնալով Իսրայելի հատուկ ծառայությունների՝ Ադրբեջանում ծավալող գործունեության մասին հարցին, նշել էր, որ այդ առնչությամբ Իրանն ունի հստակ փատեր, և եթե դրանք չլինեին, ապա իրանցի պաշտոնյաները երբեք դրանց մասին չէին բարձրաձայնի:

Հիշեցնենք, որ վերջերս Իրանի պաշտոնական «ԻՌՆԱ» լրատվական գործակալությունը հաղորդագրություն տարածեց, որտեղ, մասնավորապես, նշվում էր. «Իրանցի գիտնականների նկատմամբ կատարված ահաբեկչության հետ կապ ունեցող մի քանի ահաբեկիչների` Ադրբեջանում ազատ տեղաշարժի կապակցությամբ` ԻԻՀ-ում Ադրբեջանի դեսպան Ջավանշիր Ախունդովը կանչվել է ԱԳՆ, որտեղ նրան է հանձնվել իրանական կողմի բողոքի նոտան»:

Հավելենք, որ իրանական “արաննյուզ.իռ” կայքի հաղորդմամբ՝ Իսրայելի արտաքին գործերի նախարար Ավիգդոր Լիբերմանն այսօր մեկնում է Ադրբեջան:

Նախորդող տեղեկատվություն՝ «ՖԱՐՍ». Իրանական հետախուզությունն իսրայելական ահաբեկչական ցանց է բացահայտել
Իրանական ԶԼՄ-ները «Իսլամական կոնֆերանս»-ի ուշադրությունն են հրավիրել Ադրբեջանի երկակի քաղաքականության վրա